قارتتار كۇنى
1-قازان كۇنى ەلىمىزدە قارتتار كۇنى اتالىپ وتىلەدى. حالىقارالىق قارتتار كۇنى - 1990 -جىلى 14-جەلتوقساندا ب ۇ ۇ باس اسسامبلەياسىندا بەكىتىلىپ، جاريالاندى.
بۇل مەرەكە ەلىمىزدە جىل سايىن اتالىپ وتىلەدى.
مۇعالىمدەر كۇنى
قازاقستاندىق ۇستازداردىڭ كاسىبي مەرەكەسى - مۇعالىمدەر كۇنى 5-قازاندا اتالىپ وتەدى.
مەملەكەتتىك مەرەكەلەر تىزىمىنە سايكەس، رەسپۋبليكادا مۇعالىمدەر كۇنى 2023 -جىلعا دەيىن-قازان ايىنىڭ ءبىرىنشى جەكسەنبىسىندە تويلانىپ كەلدى. ەندى بۇل مەرەكە 5-قازاندا الەمنىڭ 100 دەن استام ەلى مەرەكەلەيدى.
مۇعالىمدەر كۇنى - ءبىلىم بەرۋ سالاسىنداعى قىزمەتكەرلەردىڭ بارلىعىنا ورتاق كاسىبي مەرەكە. بۇل كۇنى ءبىلىم سالاسىنا ەلەۋلى ەڭبەك سىڭىرگەن كاسىبي ماماندار ماراپاتتالادى.
كاسىبي مەرەكە ەڭ كوپ اي
قازاندا بىرنەشە كاسىبي مەرەكە بار.
ولار:
راديو كۇنى - 1-قازان؛
قورعانىس ونەركاسىبى قىزمەتكەرلەرى كۇنى - 6-قازان؛
قازاقستان كاسىپتىك وداقتارىنىڭ كۇنى - 10-قازان؛
قۇتقارۋشى كۇنى - 19-قازان؛
ورمان شارۋاشىلىعى قىزمەتكەرى كۇنى - قازاننىڭ ءۇشىنشى جەكسەنبىسى؛
كىتاپحاناشى كۇنى - 24-قازان؛
الەۋمەتتىك قورعاۋ جۇيەسى قىزمەتكەرلەرى كۇنى -قازاننىڭ سوڭعى جەكسەنبىسى؛
كۇزەت ۇيىمدارىنىڭ قىزمەتكەرلەرى كۇنى - 29-قازان.
رەسپۋبليكا كۇنى
قازاندا ەلىمىزدە رەسپۋبليكا كۇنى اتاپ وتىلەدى. وسىعان بايلانىستى قازاقستاندىقتارعا دەمالىس بەرىلەدى.
ەلەكتروندىق ۇكىمەت سايتىنداعى اقپاراتقا سايكەس، 25-قازاندا قازاقستاندا رەسپۋبليكا كۇنى اتاپ وتىلەدى. بۇل كۇن بيىل جەكسەنبىگە سايكەس كەلەدى. سوعان قاراماستان قازاقستاندىقتار ءۇشىن قوسىمشا ءبىر كۇن دەمالىس بولادى.
رەسپۋبليكا كۇنى 25-قازان جەكسەنبىگە تۇسكەندىكتەن وتانداستارىمىز 26-قازان دۇيسەنبى كۇنى دە دەمالادى.
بەس كۇندىك جۇمىس اپتاسى بويىنشا جۇمىس ىستەيتىن وتانداستارىمىز ءۇش كۇن قاتارىنان دەمالادى:
24-قازان، سەنبى - دەمالىس؛
25-قازان، جەكسەنبى - دەمالىس؛
26-قازان، دۇيسەنبى - دەمالىس.
الماتىدا 1-قازاننان باستاپ سۋ مەن كارىز تاريفى قىمباتتايدى
1-قازاننان باستاپ «الماتى سۋ» جاڭا تاريفتەر ەنگىزەدى. تۇرعىندار ءۇشىن 1 تەكشە مەتر سۋدىڭ قۇنى ق ق س- پەن 178,06 تەڭگە، ال سۋ بۇرۋ قىزمەتى 119,46 تەڭگە بولادى.
- بيزنەس ءۇشىن سۋ - 362,18 تەڭگە، سۋ بۇرۋ - 264,75 تەڭگە.
- مەملەكەتتىك مەكەمەلەر مەن كاسىپورىندار ءۇشىن سۋ - 649,60 تەڭگە، سۋ بۇرۋ - 189,14 تەڭگە.
ەسەپتەگىشى جوق ءبىر ادام ءۇشىن سۋىق سۋمەن جابدىقتاۋ مەن سۋ بۇرۋ قىزمەتىنىڭ جالپى قۇنى ايىنا 4462,75 تەڭگە بولادى.
باقشا، كوگال، گۇلزار مەن اعاشتاردى سۋارۋ ءۇشىن ءبىر سوتىققا اي سايىن 1780,60 تەڭگە بەلگىلەنگەن. سۋارۋ ماۋسىمى 15 ساۋىردەن 15-قازانعا دەيىن جالعاسادى، سۋدى 23:00-دەن 05:00-گە دەيىن پايدالانۋعا رۇقسات.
قازاقستاندا جۇمىسسىز مارتەبەسىن بەرۋ ءتارتىبى وزگەرەدى
1-قازاننان باستاپ قازاقستاندا جۇمىسسىز مارتەبەسىن بەرۋ الدىنداعى قولايلى جۇمىس ىزدەۋ مەرزىمى 2 كۇننەن 13 كۇنگە دەيىن ۇزارتىلادى.
وسى ۋاقىت ىشىندە مانساپ ورتالىعىنىڭ ماماندارى ازاماتتىڭ ەڭبەك تاجىريبەسىن، ءبىلىمى مەن كاسىبي داعدىلارىن زەردەلەپ، وعان سايكەس بوس جۇمىس ورىندارىن ۇسىنادى. قاجەت بولعان جاعدايدا جۇمىس بەرۋشىلەرمەن دە بايلانىسادى.
ەگەر قولايلى جۇمىس 13 كۇنگە جەتپەي تابىلسا، بەلگىلەنگەن مەرزىمنىڭ اياقتالۋىن كۇتۋدىڭ قاجەتى جوق. جۇمىس ىزدەۋشى رەتىندە مانساپ ورتالىعى، eGov پورتالى نەمەسە Enbek.kz ەلەكتروندىق ەڭبەك بيرجاسى ارقىلى تىركەلۋگە بولادى.
شارۋالار قارجى الۋعا ءوتىنىش بەرۋ الادى
«اگرارلىق نەسيە كورپوراتسياسى» اكتسيونەرلىك قوعامى 2026 -جىلعى 1-قازاننان باستاپ «كەڭ دالا 2» باعدارلاماسى بويىنشا 2027 -جىلعى كوكتەمگى ەگىس جانە ەگىن جيناۋ جۇمىستارىن قارجىلاندىرۋعا ءوتىنىش قابىلداۋدى باستايدى. اۋىل شارۋاشىلىعى تاۋارىن وندىرۋشىلەر ءۇشىن سىياقى مولشەرلەمەسى جىلدىق %5.
«كەڭ دالا 2» باعدارلاماسى بويىنشا ءوتىنىم قابىلداۋ 2026 -جىلى 1-قازاندا باستالادى.
ەرتە قارجىلاندىرۋدىڭ تيىمدىلىگى ءوز ناتيجەسىن بەرىپ كەلەدى. سالا كاسىپكەرلەرى ءۇشىن بۇل بۇكىل وندىرىستىك كەزەڭگە الدىن الا دايىندالۋ ءۇشىن وتە زور مۇمكىندىك. اتاپ ايتقاندا، قاجەتتى رەسۋرستاردى ساتىپ الىپ، اۋىل شارۋاشىلىعى تەحنيكاسىن جوندەپ، الداعى شىعىندارىن جوسپارلايدى.
ۆاليۋتالىق دەپوزيتتەردىڭ مولشەرلەمەسى وسەدى
ۆاليۋتالىق دەپوزيتتەر بويىنشا شەكتى مولشەرلەمەلەر كوتەرىلەدى. وزگەرىس 1-قازاننان باستاپ كۇشىنە ەنەدى.
قازاقستاننىڭ دەپوزيتتەرگە كەپىلدىك بەرۋ قورىنىڭ (ق د ك ق) مالىمەتىنشە، وزگەرىس تەك مەرزىمى 12 ايدان اساتىن جيناق دەپوزيتتەرىنە قاتىستى بولادى. بۇل دەپوزيتتەر بويىنشا شەكتى مولشەرلەمە جىلدىق 1 پايىزدان 2,5 پايىزعا دەيىن كوتەرىلەدى.
جاڭا مولشەرلەمەلەر 1-قازاننان كەيىن اشىلاتىن نەمەسە مەرزىمى ۇزارتىلاتىن دەپوزيتتەرگە عانا قولدانىلۋى مۇمكىن.
ق د ك ق بۇل مولشەرلەمەلەردىڭ ۇسىنىمدىق سيپاتتا ەكەنىن اتاپ ءوتتى. ياعني ءار بانك ءوز دەپوزيتتەرى بويىنشا پايىزدىق مولشەرلەمەنى دەربەس بەلگىلەيدى.
جىلجىمايتىن مۇلىك يەلەرى سالىق تولەۋى كەرەك
2025 -جىلعا ارنالعان مۇلىك سالىعىن تولەۋ مەرزىمى 1-قازاندا اياقتالادى.
سالىق سوماسىن بانكتەردىڭ موبيلدى قوسىمشالارى ارقىلى تەكسەرىپ، سول جەردەن تولەۋگە بولادى.
2-قازاننان باستاپ سالىق بويىنشا بەرەشەگى بار ازاماتتارعا حابارلامالار جىبەرىلە باستايدى. ەگەر سالىق تولەنبەسە، مەملەكەتتىك كىرىستەر كوميتەتى زاڭنامادا كوزدەلگەن بەرەشەكتى ءوندىرىپ الۋ ءراسىمىن باستايدى.
سوندىقتان حابارلاما العان جاعدايدا ونداعى سومانى ەسەپتەلگەن سالىق مولشەرىمەن جانە تولەم تۇبىرتەگىمەن سالىستىرىپ تەكسەرگەن ءجون.
وقۋشىلار كانيكۋلعا شىعادى
وقۋشىلار ءبىرىنشى توقساندى اياقتاپ، كانيكۋلعا كەتەدى.
ءبىرىنشى توقسان 8 وقۋ اپتاسىنا سوزىلادى. كۇزگى كانيكۋل 2026 -جىلعى 26-قازاننان 1-قاراشانى قوسا العانعا دەيىن، ياعني 7 كۇنگە سوزىلادى.
جۇمىسسىزدارعا تولەنەتىن جاردەماقى ءتارتىبى وزگەرەدى
2026 -جىلعى 1-قازاننان باستاپ قازاقستاندا جۇمىسىنان ايىرىلۋىنا بايلانىستى الەۋمەتتىك تولەم تاعايىنداۋدىڭ جاڭا ءتارتىبى قولدانىسقا ەنگىزىلەدى. جاردەماقى تولەۋ مەرزىمى ءۇش ايمەن شەكتەلىپ، ونىڭ اي سايىنعى ەڭ جوعارى مولشەرى 267750 تەڭگەنى قۇرايدى.
جاڭا ءتارتىپ وسى كۇننەن باستاپ الەۋمەتتىك تولەم الۋ قۇقىعى تۋىندايتىن ازاماتتارعا قاتىستى بولادى.
الەۋمەتتىك تولەمدى ءارى قاراي الۋ ءۇشىن ازامات جۇمىسسىز مارتەبەسىن ساقتاۋى كەرەك. ەگەر مانساپ ورتالىعى جۇمىسسىز ازاماتقا لايىقتى ءۇش جۇمىس ورنىن ۇسىنىپ، ول ولاردىڭ بارلىعىنان باس تارتسا، ونى جۇمىسسىز رەتىندە ەسەپتەن شىعارۋى مۇمكىن. بۇل جاعدايدا الەۋمەتتىك تولەم توقتاتىلادى.