ەڭبەك جانە حالىقتى الەۋمەتتىك قورعاۋ ءمينيسترى اسقاربەك ەرتايەۆتىڭ ايتۋىنشا، س ساناتى - ءال-اۋقات دەڭگەيى قاناعاتتانارلىق وتباسىلار.
مۇندا وتباسىنىڭ ءار مۇشەسىنە شاققانداعى ايلىق تابىس 203 مىڭنان 305 مىڭ تەڭگەگە دەيىن بولۋى كەرەك. سونداي-اق وتباسىنىڭ كەمىندە ەكى مۇشەسى جۇمىسپەن قامتىلعان، جەكە تۇرعىن ءۇيى مەن اۆتوكولىگى بولۋى نەمەسە جەكە كاسىپكەرلىكپەن، شاعىن بيزنەسپەن اينالىسۋى مۇمكىن.
- مۇنداي وتباسىلار نەگىزگى قاجەتتىلىكتەرىن قامتاماسىز ەتە الادى. ءبىراق جەكەلەگەن مەملەكەتتىك قولداۋ شارالارىنا مۇقتاج بولادى. بۇل نەگىزىنەن تۇراقتى تابىسى بار، ورتاشا داۋلەتتى، كەيدە شاعىن بيزنەسى بار وتباسىلار. مۇنداي ءۇي شارۋاشىلىقتارىنىڭ سانى 2,8 ميلليوندى نەمەسە 45 پايىزدى قۇرايدى، - دەدى ا. ەرتايەۆ ورتالىق كوممۋنيكاتسيالار قىزمەتىندە.
باستىسى، رەفورما ورتا تاپتى الەۋمەتتىك قولداۋ جۇيەسىنەن شىعارمايدى. سوندىقتان 14 تولەم بويىنشا شەكتەۋلەر ولارعا قولدانىلمايدى.
بۇعان دەيىن ەڭبەك ءمينيسترى «ا» ساناتىنىڭ بەلگىلەرىن اتاعان ەدى.
جاردەماقى ءۇشىن اجىراسۋدىڭ الدىن الۋ ءۇشىن بولەك تۇراتىن اتا-انالار دا بالانىڭ وتباسى قۇرامىنا ەنگىزىلەدى.
ەڭبەك ءمينيسترى 36 جاردەماقىنىڭ 14 تۇرىنە عانا مۇقتاجدىق كريتەري ەنگىزىلەتىنىن ايتۋدا.