مينيستر ت م ۇ اراسىنداعى ىنتىماقتاستىقتىڭ بولاشاعى زور باعىتتارىنىڭ ءبىرى ءدارى-دارمەكتەر مەن مەديتسينالىق بۇيىمداردى ەلارالىق ساتىپ الۋ تەتىگىن ازىرلەۋ ەكەنىن اتاپ ءوتتى.
بۇل ءدارى- دارمەكتەردىڭ قولجەتىمدى بولۋىنا جول اشادى، حالىقارالىق وندىرۋشىلەرمەن ىنتىماقتاستىقتى كەڭەيتەدى جانە ءدارى-دارمەكتەردىڭ قاۋىپسىزدىگىن نىعايتادى.
باستاما اياسىندا بىرنەشە ەلدىڭ قاجەتتىلىكتەرىن بىرىكتىرۋدى جانە ساتىپ الۋ شارتتارى ۇيلەستىرىلەدى. بۇل ەلدەرگە وندىرۋشىلەرمەن بىرلەسىپ كەلىسسوزدەر جۇرگىزۋگە جانە ساتىپ الۋ تيىمدىلىگىن ارتتىرۋ ءۇشىن قوسىمشا مۇمكىندىكتەر جاساۋعا مۇمكىندىك بەرەدى.
وسى ماقساتتا 2009 -جىلدان بەرى ءدارى-دارمەكتەر مەن مەديتسينالىق بۇيىمداردى ساتىپ الۋدى ورتالىقتاندىرىپ كەلە جاتقان ءبىرىڭعاي ديستريبيۋتور «س ك-فارماتسيا» ج ش س كومپانياسىنىڭ تاجىريبەسى مەن ينفراقۇرىلىمىن پايدالانۋعا بولادى.
- 2026 -جىلدىڭ العاشقى جارتىجىلدىعىنىڭ قورىتىندىسى بويىنشا، 2,75 ميلليون پاتسيەنتكە تەگىن ءدارى- دارمەكتەر بەرىلدى. مەديتسينالىق ۇيىمدار 258 ميلليارد تەڭگەگە (شامامەن 573,3 ميلليون ا ق ش دوللارى) ءونىم الدى. ساتىپ الۋ بارىسىندا 68 ميلليارد تەڭگە (شامامەن 151,1 ميلليون ا ق ش دوللارى) ۇنەمدەلدى، - دەپ اتاپ ءوتتى مينيستر.
ۆەدومستۆو باسشىسىنىڭ ايتۋىنشا، قىرعىز تاراپىنىڭ الدىن الا ەسەبى بويىنشا، باستاپقى 17 ءدارى-دارمەكتى ساتىپ الۋدىڭ قىرعىز رەسپۋبليكاسى 628 مىڭ ا ق ش دوللارىن ۇنەمدەيدى (شىعىندار شامامەن 55 پايىزعا تومەندەيدى).
سونىمەن قاتار، ۇيىم ىشىندەگى ىنتىماقتاستىقتى نىعايتۋ ءۇشىن اقمارال ءالنازاروۆا د د س ۇ بەنچماركينگىنە سايكەس، 3-جەتىلۋ دەڭگەيىنە ساي ءدارى-دارمەكتى ت م ۇ ەلدەرىندە جەدەلدەتىلگەن تىركەۋ ءراسىمىن ەنگىزۋدى ۇسىندى.
- 2026 -جىلى قازاقستان ت م د ەلدەرى اراسىندا دارىلىك زاتتاردى رەتتەۋ سالاسىندا جاھاندىق بەنچماركينگ قۇرالى نەگىزىندەگى د د س ۇ-نىڭ 3-جەتىلۋ دەڭگەيىنە جەتكەن العاشقى ەل بولدى. تۇركيادا دا د د س ۇ-نىڭ 3-جەتىلۋ رەيتينگى بار ەكەنىن ەسكەرە وتىرىپ، ءبىز قازىرگى ۋاقىتتا ەلدەرىمىز اراسىندا دارىلىك زاتتاردى تىركەۋدى جەدەلدەتۋدىڭ ەكىجاقتى تەتىگىن قۇرۋ مۇمكىندىگىن قاراستىرۋدى ۇسىنامىز، - دەدى قازاقستان رەسپۋبليكاسىنىڭ دەنساۋلىق ساقتاۋ ءمينيسترى.
مينيستر سونىمەن قاتار قازاقستان ۇلتتىق رەتتەۋ جۇيەلەرىنىڭ 3-جەتىلۋ دەڭگەيىنە جەتۋ ءۇشىن پراكتيكالىق تاجىريبە الماسۋ ماقساتىندا ت م ۇ ەلدەرىمەن تىعىز ىنتىماقتاستىقتا بولۋعا دايىن ەكەنىن تىلگە تيەك ەتتى.
ەسكە سالا كەتەيىك، قىرعىزستان استاناسىنداعى «الا-ارچا» مەملەكەتتىك رەزيدەنتسياسىندا تۇركى مەملەكەتتەرى ۇيىمىنا مۇشە ەلدەردىڭ دەنساۋلىق ساقتاۋ مينيسترلەرىنىڭ 6-وتىرىسى ءوتىپ جاتىر.