بۇل تۋرالى اقوردانىڭ باسپا ءسوز قىزمەتى حابارلادى.
مارتەبەلى مەيماندار مۋزەي كەشەنىنىڭ ساۋلەتتىك ەرەكشەلىكتەرىن جانە ۇلى دالانىڭ مادەني-تاريحي مۇراسىن پاش ەتەتىن ەكسپوزيتسيالار كەڭىستىگىن تاماشالادى.
اسىرەسە، بىرەگەي ارحەولوگيالىق قازبالار، ەجەلگى زەرگەرلىك ونەر ۇلگىلەرى، سونىڭ ىشىندە ەسىك قورعانىنان تابىلعان «التىن ادام» مەن بەرەل، تالدى-2، تاقساي، شىلىكتى وبالارىنان شىققان التىن بۇيىمدار قويىلعان التىن زالىنا ەرەكشە نازار اۋدارىلدى.
ەتنوگرافيا زالىندا قوناقتار قازاق حالقىنىڭ سالت-داستۇرىمەن، تۇرمىسىمەن، ماتەريالدىق جانە رۋحاني مادەنيەتىمەن تانىستى.
سونداي-اق بەلگيالىق سۋرەتشى دجەيمس ەنسور شىعارمالارىنىڭ كورمەسى ۇسىنىلدى.
بەلگيالىقتار كورولى مەن پاتشايىمى قۇرمەتتى قوناقتار كىتابىنا ەستەلىك جازبا قالدىردى.