باسىلىمنىڭ مالىمەتىنشە، دجەنسەن حۋانگ استانادا مينيستر جاسلان ماديەۆپەن وتكەن اشىق اڭگىمە بارىسىندا ەلدىڭ جاساندى ينتەللەكت سالاسىنداعى الەۋەتىنە توقتالدى.
— بۇل ەۋروپا ءۇشىن ەسەپتەۋ حابى، جاساندى ينتەللەكت «زاۋىتىنىڭ» حابى بولادى، — دەدى Nvidia باسشىسى.
حۋانگ سونداي-اق ءار مەملەكەتتىڭ ءوز جاساندى ينتەللەكت ينفراقۇرىلىمىن قالىپتاستىرۋى ماڭىزدى ەكەنىن اتاپ ءوتتى.
ونىڭ پىكىرىنشە، ەلدەر ج ي قىزمەتتەرىن ىشكى نارىققا ۇسىنا الۋى، سونىمەن بىرگە تەحنولوگيالاردى ءوز ءتىلى مەن مادەني ەرەكشەلىكتەرىنە بەيىمدەۋى قاجەت.
سونىمەن قاتار ەلىمىزدىڭ تەحنولوگيالىق ينفراقۇرىلىمدى دامىتۋ جوسپارلارى Nvidia-مەن عانا شەكتەلمەيدى. ەلگە وزگە دە ءىرى تەحنولوگيالىق كومپانيالار قىزىعۋشىلىق تانىتىپ وتىر.
اتاپ ايتقاندا، بيىل ماۋسىمدا قازاقستان ۇكىمەتى ا ق ش- تىڭ Firebird AI كومپانياسىمەن بىرلەسىپ، جاساندى ينتەللەكت ينفراقۇرىلىمىن دامىتۋعا 10 ميلليارد دوللار ينۆەستيتسيا سالۋ جوسپارىن جاريالادى. جوبا اياسىندا Nvidia چيپتەرىن قوسا العاندا، 100 مىڭ وزىق گرافيكالىق پروتسەسسورعا (GPU) نەگىزدەلگەن ەسەپتەۋ كلاستەرىن قۇرۋ كوزدەلگەن.
وعان قوسا، Nvidia دا Firebird كومپانياسىنا ينۆەستيتسيا سالۋدى جوسپارلاپ وتىر. كومپانيانىڭ رەسمي مالىمەتىنە سايكەس، Firebird ارمەنيا، قازاقستان جانە باسقا دا نارىقتاردا جالپى قۋاتى شامامەن 2 گيگاۆاتت بولاتىن جاساندى ينتەللەكت ينفراقۇرىلىمىن دامىتۋدى كوزدەيدى.
بۇل جوبالار قازاقستاندا جوعارى ءونىمدى ەسەپتەۋ جۇيەلەرىن قالىپتاستىرىپ، ەلدىڭ وڭىرلىك تەحنولوگيالىق ورتالىق رەتىندەگى مۇمكىندىكتەرىن كەڭەيتۋگە باعىتتالعان.
قازاقستانعا قىزىعۋشىلىق تانىتىپ وتىرعان تاعى ءبىر كومپانيا — ا ق ش- تا ورنالاسقان Higgsfield ستارتاپى. جاساندى ينتەللەكت كومەگىمەن بەينە جانە سۋرەت جاساۋ پلاتفورماسىن ازىرلەيتىن كومپانيانىڭ قازاقستاندا 300-دەن استام قىزمەتكەرى بار ينجەنەرلىك جانە شىعارماشىلىق توبى جۇمىس ىستەيدى.
بيىل تامىزدا سان-فرانسيسكودا كومپانيا 5,4 ميلليارد دوللار باعالاۋ كەزىندە 400 ميلليون دوللار كولەمىندە B سەريالى ينۆەستيتسيا تارتقانىن جاريالادى.
قارجىلاندىرۋ راۋندىن DST Global باسقاردى. وعان Tribe Capital, Goldman Sachs Alternatives قۇرامىنداعى Growth Equity, Smash Capital, Fifth Wall, Valor Capital, Intel Capital, Liberty Global Tech Ventures, Mirae Asset Capital جانە NTT DOCOMO Ventures قاتىستى.
وسىلايشا، قازاقستانعا Nvidia, Firebird جانە Higgsfield سەكىلدى تەحنولوگيالىق كومپانيالاردىڭ قىزىعۋشىلىق تانىتۋى ەلدىڭ جاساندى ينتەللەكت سالاسىنداعى حالىقارالىق جوبالارعا قاتىسۋ اۋقىمىنىڭ كەڭەيىپ كەلە جاتقانىن كورسەتەدى. قازىر بۇل باعىتتاعى جوسپارلار ەسەپتەۋ ينفراقۇرىلىمىن دامىتۋدى، ينۆەستيتسيا تارتۋدى جانە تەحنولوگيالىق مامانداردىڭ الەۋەتىن ارتتىرۋدى قامتيدى.
بۇعان دەيىن، قازاقستان ج ي يندۋسترياسى NVIDIA- مەن ارىپتەستىكتەن نە ۇتاتىنىن جازعانبىز.