بۇل تۋرالى اقوردانىڭ باسپا ءسوز قىزمەتى حابارلادى.
اتالعان جۇمىستىڭ ناتيجەسىندە ماڭعىستاۋ، شىعىس قازاقستان وبلىستارىندا جانە الماتى قالاسىندا قازاقستان-گەرمانيا بىرلەسكەن ۋنيۆەرسيتەتتەرى اشىلدى.
- بۇل مىسالدار مىنا ماڭىزدى قاعيدانىڭ دۇرىس ەكەنىن كورسەتەدى. ناقتى ەكونوميكالىق جانە تەحنولوگيالىق قاجەتتىلىككە ساي كەلەتىن اكادەميالىق سەرىكتەستىك ناتيجەلى بولادى. ۋنيۆەرسيتەتتەر وندىرىستەن الشاقتاپ كەتپەۋى كەرەك. عىلىمي زەرتتەۋلەر جاڭا تەحنولوگيالاردى ويلاپ تابۋعا تۇرتكى بولۋعا ءتيىس. ال ءبىلىم بەرۋ جۇيەسى ەكونوميكانى بىلىكتىلىگى جوعارى ماماندارمەن قامتاماسىز ەتۋى قاجەت،-دەدى پرەزيدەنت.
قاسىم-جومارت توقايەۆ ءبىلىم الماسۋ تاجىريبەسىنەن ءبىلىم قورىن بىرلەسە جاساۋ ۇدەرىسىنە كوشۋگە مۇمكىندىك بەرەتىن سەرىكتەستىكتىڭ ءۇش نەگىزگى باعىتىن ۇسىندى.
- بىرىنشىدەن، بىرلەسكەن ءبىلىم بەرۋ باعدارلامالارىن كوبەيتىپ، سەرىكتەس وقۋ ورىندارى اراسىنداعى قوس ديپلومدى باعدارلامالاردىڭ اياسىن كەڭەيتۋ كەرەك. ەكى ەل ستۋدەنتتەرى مەن زەرتتەۋشىلەرىنىڭ بىرلەسە جۇمىس ىستەۋىنە مۇمكىندىك بەرۋ ماڭىزدى. وسى ورايدا ەلدەرىمىزدىڭ اراسىنداعى اكادەميالىق بايلانىستى نىعايتۋعا ىقپال ەتەتىن ارنايى ءبىلىم الماسۋ باعدارلاماسىن ىسكە قوسۋدى ۇسىنامىن،-دەدى پرەزيدەنت.
ايتا كەتەلىك مەملەكەت باسشىسى گەرمانيانىڭ ماڭدايالدى جوعارى وقۋ ورىندارى رەكتورلارىمەن جانە عىلىمي ينستيتۋت جەتەكشىلەرىمەن كەزدەستى.