بۇل تۋرالى اقوردانىڭ باسپا ءسوز قىزمەتى حابارلادى.
پرەزيدەنتتىڭ ايتۋىنشا، بۇگىنگى كەزدەسۋلەر مازمۇندى جانە تابىستى ءوتتى دەۋگە تولىق نەگىز بار.
- كەلىسسوزدەر اياسىندا جالپى قۇنى شامامەن 2 ميلليارد دوللار بولاتىن 30 دان استام كوممەرتسيالىق قۇجاتقا قول قويىلدى. كەلىسىمشارتتار ءتيىمدى جۇزەگە اسىرىلسا، ەكى ەلدىڭ ىنتىماقتاستىعى بەكەمدەلە تۇسەتىنى انىق. مەن ەرتەڭ باۆاريا قالاسىنا بارىپ، ءبىرقاتار جوعارى لاۋازىمدى تۇلعالارمەن كەزدەسۋدى جوسپارلاپ وتىرمىن. ساپار بارىسىندا بىرەگەي جيىن -قازاقستان-باۆاريا تەحنولوگيالىق فورۋمىنا قاتىسامىن. بۇل باسقوسۋ دا ەلدەرىمىزدىڭ ىنتىماعىن نىعايتۋعا سەپتىگىن تيگىزەدى دەپ سەنەمىن،- دەدى قاسىم-جومارت توقايەۆ.
قازاقستان پرەزيدەنتى مەن گەرمانيا فەدەرالدىق كانتسلەرى ايماقتىق جانە جاھاندىق دەڭگەيدەگى وزەكتى ماسەلەلەر جونىندە پىكىر الماسقان.
- ءبىز كەز كەلگەن شيەلەنىستى بەيبىت جانە ديپلوماتيالىق جولمەن شەشۋ قاجەت دەپ ەسەپتەيمىز. بۇل - ەكى ەلگە دە ورتاق ۇستانىم. سونىمەن قاتار ءبىز «ورتالىق ازيا - گەرمانيا» فورماتىنداعى ديالوگتى ودان ءارى دامىتۋعا كەلىستىك. قازاقستان گەرمانيامەن ۇزاقمەرزىمدى، ءوزارا ءتيىمدى جانە ناقتى ناتيجەگە نەگىزدەلگەن ستراتەگيالىق سەرىكتەستىكتى كۇشەيتە تۇسۋگە نيەتتى،-دەدى مەملەكەت باسشىسى.
ايتا كەتەلىك قاسىم-جومارت توقايەۆ گەرمانياعا رەسمي ساپارمەن باردى. سونىمەن قاتار قاسىم-جومارت توقايەۆ پەن فرانك-ۆالتەر شتاينمايەر بىرلەسكەن دەكلاراتسيا قابىلدادى. سونداي-اق پرەزيدەنت قاسىم-جومارت توقايەۆ كانتسلەر فريدريح مەرتسپەن كەلىسسوز جۇرگىزدى.