بۇل وتكەن جىلدىڭ سايكەس كەزەڭىمەن سالىستىرعاندا %8 عا جوعارى، دەپ حابارلايدى ق ر كولىك مينيسترلىگىنىڭ باسپا ءسوز قىزمەتى.
بىلتىر وسى كەزەڭدە 29,4 ميلليون توننا جۇك تاسىمالدانعان. تاسىمالدىڭ ەكى باعىتى بويىنشا دا وڭ ديناميكا بايقالادى.
وسىلايشا، 2026-جىلعى قاڭتار-قازان ايلارى ارالىعىندا قىتايدان قازاقستانعا 12,1 ميلليون توننا جۇك جەتكىزىلدى.
ونىڭ ىشىندە دوستىق شەكارا ستانتسياسى ارقىلى 5,0 ميلليون توننا جۇك تاسىمالدانىپ، ءوسىم %13 دى قۇرادى. ال التىنكول ستانتسياسى ارقىلى تاسىمال كولەمى %6 عا ارتىپ، 7,1 ميلليون تونناعا جەتتى.
كەرى باعىتتا، ياعني قازاقستاننان قىتايعا 19,7 ميلليون توننا جۇك جونەلتىلدى. بۇل 2025-جىلدىڭ سايكەس كەزەڭىمەن سالىستىرعاندا %8 عا جوعارى.
شەكارالىق وتكەلدەر بولىنىسىندە دوستىق ستانتسياسى ارقىلى 13,1 ميلليون توننا جۇك تاسىمالدانىپ، ءوسىم %12 دى قۇرادى. ال التىنكول ستانتسياسى ارقىلى تاسىمال كولەمى %1 عا ارتىپ، 6,6 ميلليون توننانى قۇرادى.
جۇك تاسىمالى كولەمىنىڭ ارتۋى قازاقستان مەن قىتاي اراسىنداعى كولىك-لوگيستيكالىق بايلانىستاردى نىعايتۋ باعىتىنداعى جۇيەلى جۇمىستاردىڭ ناتيجەسىندە مۇمكىن بولىپ وتىر.
- حالىقارالىق تەمىرجول قاتىناسىن ودان ءارى دامىتۋ اياسىندا شەكارا ماڭىنداعى ينفراقۇرىلىمدى جاڭعىرتۋعا، شەكارالىق وتكەلدەردىڭ وتكىزۋ قابىلەتىن ارتتىرۋعا جانە لوگيستيكالىق پروتسەستەردى جەتىلدىرۋگە ەرەكشە نازار اۋدارىلۋدا. اتالعان شارالاردى ىسكە اسىرۋ جۇك اعىنىنىڭ ودان ءارى ۇلعايۋىن قامتاماسىز ەتۋگە، تاسىمال تيىمدىلىگىن ارتتىرۋعا جانە قازاقستاننىڭ ترانزيتتىك-كولىكتىك الەۋەتىن نىعايتۋعا مۇمكىندىك بەرەدى،- دەلىنگەن حابارلامادا.
وسىعان دەيىن قازاقستان مەن تاجىكستاننىڭ جۇك ءترانزيتى 7 ميلليون تونناعا جەتكەنى تۋرالى جازدىق.