اكادەميالىق ەسكەك ەسۋ سپورتىنان ەرلەر اراسىندا جۇپتىق سىندا ۆلاديسلاۆ ياكوۆليەۆ جانە يۆان چەرنۋحين جارىس جولىنا شىقتى.
قورتىندىسىندا، وتانداستارىمىز 6 مينۋت 25.13 سەكۋند ۋاقىتتا مارە سىزىعىن ءبىرىنشى بولىپ كەستى.
قىتاي قۇراماسى كۇمىس مەدال ەنشىلەسە، وزبەكستاندىق سپورتشىلار قولا جۇلدەنى قاناعات تۇتتى.
ايتا كەتەرلىگى، بۇل قازاقستان دەلەگاتسياسىنىڭ وسى ازياداداعى سەگىزىنشى التىن جۇلدەسى.
وسىعان دەيىن حابارلاعانىمىزداي، قازاقستاندىق سپورتشى ابدۋراشيد ابدۋللايەۆ ۋشۋ- ساندا سپورتىنان كۇمىس مەدال جەڭىپ الدى.
قازاقستان قۇراماسى قازىرگى ۋاقىتتا 8 التىن، 5 كۇمىس جانە 8 قولا مەدالمەن جالپى ەسەپتە ءتورتىنشى ورىندا كەلە جاتىر.