ۇيىمداستىرۋ كوميتەتى جارىستان كەيىن قارسىلاستىڭ شاعىمى بويىنشا قازاقستاندىق جەلاياقتىڭ اياق كيىمىنە تەكسەرۋ جۇرگىزگەن.
قورتىندىسىندا، ازيا ويىندارى رەسمي سايتىندا وتانداسىمىزدىڭ ناتيجەسى جويىلدى.
مارەگە ەكىنشى بولىپ جەتكەن قىتايلىق سپورتشى دانزەنگۋتسزۋن چەمپيون اتانسا، ونىڭ وتانداسى ما لي كۇمىس جۇلدەگەر بولدى. سونىمەن قاتار، جاپوندىق اتلەت يۋكيكو ۋمەنە قولا مەدال ەنشىلەدى.
ازيا ويىندارى ۇيىمداستىرۋ كوميتەتى جانە ازيا وليمپيادالىق كەڭەسى، سونىمەن قاتار قازاقستان جەڭىل اتلەتيكا فەدەراتسياسى وسى جاعداي بويىنشا ءالى ناقتى مالىمدەمە جاساعان جوق.
ياسمينا بۇل شەشىمگە بايلانىستى پىكىر ءبىلدىرىپ، الداعى ۋاقىتتا ءوزىن قايتا دالەلدەيتىنىن جەتكىزدى.
- ماعان قولداۋ كورسەتىپ، جانىمنان تابىلعانداردىڭ بارلىعىنا، سونداي-اق باسقا دا جاندارعا شەكسىز العىسىمدى بىلدىرەمىن. راقمەت ساعان، قازاقستان! بۇگىن ءبىز ازيانىڭ جاڭا رەكوردىن ورناتتىق؛ بۇگىن ءبىز تاريح جازدىق! ءتىپتى ونى مەنەن تارتىپ السا دا، مەن قايتا ورالىپ، مۇنى تاعى دا جاسايمىن،-دەدى سپورتشى.
وسىلايشا، قازاقستان قۇراماسى كەشە قورجىنعا تۇسكەن توعىزىنشى التىن مەدالدان ايىرىلىپ قالدى.
وسىعان دەيىن حابارلاعانىمىزداي، ياسمينا توقسانبايەۆا بۇگىن ايەلدەر اراسىندا سپورتتىق جۇرىستەن مارافون قاشىقتىقتى 3 ساعات 22 مينۋت 20 سەكۋندا باعىندىرىپ، مارەگە ءبىرىنشى بولىپ جەتتى.
قازىرگى ۋاقىتتا قازاقستان قۇراماسىنىڭ ەنشىسىندە 41 مەدال بار: 9 التىن، 10 كۇمىس جانە 22 قولا.