جۇمىس كەڭەسىندە استانا، تۇركىستان، شىمكەنت جانە اقتاۋ قالالارىندا ۇيىمداستىرىلاتىن حالىقارالىق تۋرنيرلەرگە دايىندىق بارىسى قارالدى.
كەزدەسۋ بارىسىندا سپورتشىلار مەن كورەرمەندەردىڭ قاۋىپسىزدىگىن قامتاماسىز ەتۋ، سپورت ينفراقۇرىلىمىنىڭ دايىندىعى، لوگيستيكا، مەديتسينالىق قىزمەت كورسەتۋ، شەتەلدىك دەلەگاتسيالاردى ورنالاستىرۋ جانە ورتالىق پەن جەرگىلىكتى اتقارۋشى ورگاندار اراسىنداعى ءوزارا ءىس-قيمىل ماسەلەلەرىنە ەرەكشە نازار اۋدارىلدى.
قاتىسۋشىلار ەلوردادا وتەتىن بوچچادان الەم كۋبوگىنە دايىندىقتى تالقىلادى. اتالعان جارىسقا الەمنىڭ 25 ەلىنەن سپورتشىلار قاتىسادى.
سونىمەن قاتار كەڭەستە 16 ەلدەن شامامەن 350 سپورتشى قاتىساتىن بايداركا مەن كانوەدە ەسكەك ەسۋدەن ازيا چەمپيوناتى، 1600 گە جۋىق سپورتشى باق سىنايتىن تاەكۆوندودان (WT) حالىقارالىق تۋرنيرلەر، 15 ەلدەن 250 گە جۋىق سپورتشى جينالاتىن جەڭىل اتلەتيكادان XXXV عۇسمان قوسانوۆ مەموريالى، 50 ەلدەن 500 گە جۋىق سپورتشى قاتىساتىن كۋراشتان الەم چەمپيوناتى جانە 700 سپورتشى باق سىنايتىن WKF كاراتەدەن ورتالىق ازيا چەمپيوناتىنا دايىندىق ماسەلەلەرى قارالدى.
تۋريزم جانە سپورت ۆيتسە-ءمينيسترى سەرىك جاراسبايەۆ حالىقارالىق جارىستاردى جوعارى دەڭگەيدە وتكىزۋدىڭ ماڭىزىن اتاپ ءوتتى.
- مۇنداي ءىرى سپورتتىق ءىس-شارالار قازاقستاننىڭ حالىقارالىق سپورت ارەناسىنداعى بەدەلىن نىعايتۋعا، سپورت ينفراقۇرىلىمىن دامىتۋعا جانە بۇقارالىق سپورتتى كەڭىنەن ناسيحاتتاۋعا ىقپال ەتەدى،-دەدى ول.
كەزدەسۋ سوڭىندا جاۋاپتى مەملەكەتتىك ورگاندارعا، فەدەراتسيالارعا جانە جارىس ۇيىمداستىرۋشىلارىنا حالىقارالىق تۋرنيرلەرگە ساپالى ءارى ۋاقتىلى دايىندالۋ جونىندە ناقتى تاپسىرمالار بەرىلدى.
ايتا كەتەيىك، بۇعان دەيىن قازاقستاندىق بوكسشى قىزدار ازيا چەمپيوناتىنىڭ فينالىنا شىققانى ءمالىم بولدى.