ت م د ميسسياسىنىڭ ارالىق ەسەبىندە اتاپ وتىلگەندەي، اعىمداعى ناۋقاننىڭ ەرەكشەلىگى - ءداستۇرلى اقپاراتتاندىرۋ ارنالارىمەن قاتار سيفرلىق تەحنولوگيالاردى بەلسەندى پايدالانۋ.
ورتالىق سايلاۋ كوميسسياسىنىڭ سايتىندا العاش رەت Sailau AI ج ي- كومەكشىسى ەنگىزىلدى. قىزمەت سايلاۋدى ۇيىمداستىرۋ جانە وتكىزۋ جونىندەگى ماسەلەلەر بويىنشا اقپاراتتى ىزدەۋ جانە ۇسىنۋعا ارنالعان.
GOV. KZ پلاتفورماسىندا تاعى ءبىر سيفرلىق قۇرال ىسكە قوسىلدى: ازاماتتار وزدەرىنىڭ سايلاۋ ۋچاسكەسىنىڭ ءنومىرى مەن مەكەنجايىن ونلاين-رەجيمدە بىلە الادى.
سايلاۋ تۋرالى اقپارات ازاماتتارعا كۇندەلىكتى قولدانىلاتىن ۇيرەنشىكتى تسيفرلىق قىزمەتتەر ارقىلى دا جەتكىزىلىپ وتىر. ۇيالى بايلانىس ابونەنتتەرىن سايلاۋ كۇنى تۋرالى حاباردار ەتۋ ءۇشىن ورتالىقتاندىرىلعان SMS- حابارلاما جۇيەسى قۇرىلدى. Push-حابارلاندىرۋلار موبيلدى بانك قوسىمشالارى جانە eGov Mobile ارقىلى جىبەرىلىپ وتىر.
ءارتۇرلى جاس جانە الەۋمەتتىك توپتاردى قامتاماسىز ەتۋگە مۇمكىندىك بەرىپ وتىرعان ءداستۇرلى بايلانىس ارنالارى دا ساقتالعان.
و س ك تاپسىرىسىمەن قازاق جانە ورىس تىلدەرىندە 12 اۋديو جانە بەينەروليك دايىندالدى. ولار اقپاراتتىق، ءبىلىم بەرۋ جانە جۇمىلدىرۋ سيپاتقا يە جانە ۇلتتىق تەلە جانە راديوارنالار، الەۋمەتتىك جەلىلەر جانە ينتەرنەت رەسۋرستار ارقىلى تاراتىلىپ وتىر.
سايلاۋ تۋرالى اقپارات قوعامدىق ورىندارداعى بيلبوردتار، باننەرلەر جانە LED- ەكرانداردا ورنالاستىرىلعان.
و س ك سايتىندا سايلاۋ ناۋقانى تۋرالى قاجەتتى اقپاراتتى قامتيتىن «قۇرىلتاي-2026» اتتى جەكە ءبولىم قۇرىلدى. وسىعان ۇقساس بولىمدەر بارلىق ايماقتارداعى اۋماقتىق كوميسسيالاردىڭ ينتەرنەت رەسۋرستارىندا قولجەتىمدى.
تىكەلەي سويلەسۋدى قالايتىن ازاماتتار ءۇشىن بارلىق ايماقتاردا بايلانىس ورتالىقتارى جۇمىس ىستەپ جاتىر. ولاردىڭ كومەگىمەن سايلاۋشىلار تىزىمىندە ءوز مالىمەتتەرىڭنىڭ بار- جوعىن تەكسەرۋگە، سونداي-اق داۋىس بەرۋ ورنى مەن ۋاقىتى تۋرالى اقپارات الۋعا بولادى.
مەكەنجاي بويىنشا اقپاراتتاندىرۋ فورماتى دا قولدانىلىپ جاتىر. ۋچاسكەلىك كوميسسيالاردىڭ مۇشەلەرى پاتەرلەر مەن اۋلالارعا بارىپ، ازاماتتارعا جەكە شاقىرۋ قاعازدارىن تاراتىپ ءجۇر. شاقىرۋ قاعازدارىندا ءتيىستى سايلاۋ ۋچاسكەسىنىڭ ورنالاسقان جەرى مەن بايلانىس نومىرلەرى تۋرالى اقپارات بەرەتىن QR- كود بار.
ازاماتتاردىڭ سايلاۋشىلار تىزىمدەرىندە وزدەرى تۋرالى اقپاراتتى تەكسەرۋ مۇمكىندىگىنە ەرەكشە نازار اۋدارىلدى. 7-تامىزدان باستاپ تىزىمدەر ۋچاسكەلىك كوميسسيا عيماراتتارىندا تەكسەرۋگە قولجەتىمدى بولدى. ەگەر ازامات تىزىمگە ەنگىزىلمەگەن، دۇرىس ەنگىزىلمەگەن نەمەسە جەكە دەرەكتەرىندە دالسىزدىكتەر بولسا، ولار ءتيىستى كوميسسياعا حابارلاسۋعا قۇقىلى. ءوتىنىش تۇسكەن كۇنى قارالۋى ءتيىس.
و س ك مالىمەتىنشە، تىزىمدەرگە سايلاۋعا قاتىسۋعا قۇقىعى بار بارلىعى 12605788 ازامات ەنگىزىلگەن.
ت م د ميسسياسىنىڭ ارالىق ەسەبىندە اقپاراتقا قولجەتىمدىلىك 2026-جىلعى سايلاۋعا دايىندىقتىڭ ماڭىزدى ەلەمەنتىنە اينالعانى كورسەتىلگەن.
ميسسيا ءوزىنىڭ قورىتىندىسى مەن باعالاۋىن 23-تامىزدا وتەتىن داۋىس بەرۋدەن كەيىن ۇسىنادى.