2019-2026-جىلدارى قازاقستاندا مەملەكەتتىك باسقارۋ جۇيەسى مەن قوعامدىق ومىردە اۋقىمدى وزگەرىستەر بولدى.
بۇل كەزەڭدەگى باستى ساياسي وزگەرىستەردىڭ ءبىرى - 2026-جىلعى 15-ناۋرىزدا وتكەن رەسپۋبليكالىق رەفەرەندۋمدا جاڭا كونستيتۋتسيانىڭ قابىلدانۋى. ەلدە جۇرگىزىلگەن ساياسي رەفورمالار ەكونوميكالىق جەتىستىكتەرمەن دە قاتار ءجۇردى.
2025-جىلى قازاقستاننىڭ جالپى ىشكى ءونىمى 159,6 تريلليون تەڭگەنى قۇراپ، ەكونوميكا 6,5 پايىزعا ءوستى. بۇل - سوڭعى جىلدارداعى ەڭ جوعارى كورسەتكىشتەردىڭ ءبىرى. قازاقستان دۇنيەجۇزىلىك بانك رەيتينگىندە 55-ورىننان 48-ورىنعا كوتەرىلىپ، ەكونوميكاسى ەڭ ءىرى 50 ەلدىڭ قاتارىنا ەندى.
قازاقستانعا تارتىلعان ينۆەستيتسيا كولەمى دە كوبەيدى. نەگىزگى كاپيتالعا سالىنعان ينۆەستيتسيانىڭ جىلدىق كولەمى 12,6 تريلليون تەڭگەدەن 23,5 تريلليون تەڭگەگە جەتتى. ال 2019-جىلدان 2026-جىلدىڭ ءبىرىنشى توقسانىنا دەيىن ەلگە قۇيىلعان تىكەلەي شەتەلدىك ينۆەستيتسيانىڭ جالپى كولەمى 162 ميلليارد دوللاردان استى.
ۇكىمەت 2026-2028-جىلدارعا ارنالعان ماكروەكونوميكالىق تۇراقتاندىرۋ باعدارلاماسى بويىنشا ەكونوميكانىڭ جىل سايىن كەمىندە 5 پايىزعا ءوسۋىن قامتاماسىز ەتۋدى كوزدەپ وتىر. سونىمەن قاتار 2028-جىلعا قاراي ينفلياتسيا دەڭگەيىن 5-7 پايىزعا دەيىن تومەندەتۋ جوسپارلانعان.