قازاقستانعا كەلگەن ا ق ش ازاماتتارىنا قاراپايىم ساقتىق شارالارىن ۇستانۋ جەتكىلىكتى، دەپ حابارلايدى Kazinform اگەنتتىگى ا ق ش مەملەكەتتىك دەپارتامەنتىنە سىلتەمە جاساپ.
Level 1 — ا ق ش مەملەكەتتىك دەپارتامەنتىنىڭ ساياحاتتاۋعا كەڭەس بەرۋ جۇيەسىندەگى ەڭ تومەنگى دەڭگەي. ول ساياحاتتاۋشىلارعا قاراپايىم ساقتىق شارالارىن قولدانۋ جەتكىلىكتى ەكەنىن بىلدىرەدى. قازاقستان وسى ساناتقا جىكتەلگەن.
سونىمەن قاتار، بۇل ساناتتاعى ەلدەرگە كانادا، جاپونيا، شۆەيتساريا، پورتۋگاليا، پولشا، رۋمىنيا، سلوۆاكيا جانە سلوۆەنيا كىرەدى.
ا ق ش مەملەكەتتىك دەپارتامەنتى جۇيەسىندە ءتورت دەڭگەيلى كەڭەس بەرۋ قاراستىرىلعان. Level 2 - ساقتىق شارالارىن كۇشەيتۋدى، Level 3 - ساياحاتتاۋ قاجەتتىلىگىن قايتا قاراۋدى، ال Level 4 - ساياحاتتان باس تارتۋدى ۇسىنادى.
ۇلى بريتانيا، يسپانيا جانە شۆەتسيا 2-دەڭگەيگە جىكتەلگەن. تۇركيا دا Level 2 ساناتىندا.
بۇل جەردە ا ق ش مەملەكەتتىك دەپارتامەنتىنىڭ جىكتەۋى - حالىقارالىق قاۋىپسىز ەلدەر رەيتينگىسىنە جاتپايتىنىن اتاپ وتكەن ءجون. بۇل ا ق ش ازاماتتارىنا ارنالعان جانە حالىقارالىق ساياحاتپەن بايلانىستى قاۋىپسىزدىك تاۋەكەلدەرىن ەسكەرەتىن ۇسىنىستار جۇيەسى.
سوندىقتان قازاقستان تاعى ءبىرقاتار ەل قاتارىندا ا ق ش مەملەكەتتىك دەپارتامەنتىنىڭ ساياحاتقا قاتىستى كەڭەسىندە قولايلى ەلدەر ساناتىنا كىرەدى.
بۇعان دەيىن وزبەكستانعا بارعان شەتەلدىك تۋريستەردىڭ ءار ءتورتىنشىسى - قازاقستان ازاماتى ەكەنىن حابارلاعان ەدىك.