بۇل ماسەلەلەر سامارقاندتا قازاقستاننىڭ سىرتقى ىستەر ءمينيسترى مۇحتار تىلەۋبەردى مەن ا ق ش مەملەكەتتىك حاتشىسى ماركو رۋبيونىڭ كەزدەسۋىندە تالقىلاندى، دەپ حابارلايدى 24KZ.
كەزدەسۋ بارىسىندا تاراپتار ەكىجاقتى ىنتىماقتاستىقتىڭ قازىرگى جاي-كۇيى مەن دامۋ پەرسپەكتيۆالارىن قاراستىردى. ساۋدا اينالىمىن ارتتىرۋعا، بىرلەسكەن ينۆەستيتسيالىق جوبالاردى ىسكە اسىرۋعا جانە پراكتيكالىق ءوزارا ءىس-قيمىلدى كەڭەيتۋگە باسىمدىق بەرىلدى.
سونداي-اق قازاقستان پرەزيدەنتى قاسىم-جومارت توقايەۆتىڭ ا ق ش پرەزيدەنتى دونالد ترامپپەن 2025 -جىلعى قاراشادا وتكەن كەزدەسۋىنىڭ قورىتىندىسى بويىنشا جوعارى دەڭگەيدە قول جەتكىزىلگەن ۋاعدالاستىقتاردى جۇزەگە اسىرۋ ماسەلەسىنە نازار اۋدارىلدى.
مۇحتار تىلەۋبەردى ىسكەرلىك بايلانىستاردى نىعايتۋدىڭ، امەريكالىق ينۆەستيتسيالار مەن وزىق تەحنولوگيالاردى تارتۋدىڭ ماڭىزدىلىعىن اتاپ ءوتتى. ەنەرگەتيكا، اسا ماڭىزدى مينەرالدار، سيفرلاندىرۋ، كولىك جانە لوگيستيكا سالالارىنداعى ىنتىماقتاستىقتى دامىتۋ دا تالقىلاندى.
بۇدان بولەك، تاراپتار ماياميدە وتەتىن الداعى G20 سامميتىنە دايىندىق ماسەلەلەرى جونىندە پىكىر الماستى. ماركو رۋبيو سامميتتەن كەيىن جاقىن ارادا قازاقستانعا رەسمي ساپارمەن كەلۋگە مۇددەلى ەكەنىن راستادى. كەزدەسۋ قورىتىندىسىندا قازاقستان مەن ا ق ش كەڭەيتىلگەن ستراتەگيالىق ارىپتەستىكتى نىعايتۋعا جانە ناقتى پراكتيكالىق ناتيجەلەرگە قول جەتكىزۋگە ءوزارا مۇددەلى ەكەنىن مالىمدەدى.