«قازاقمىستاعى» جۇمىسشىلار ءولىمى: وقيعا ورنىنا كوميسسيا اتتاندى

جامبىل وبلىسىنىڭ اكىمى ەربول قاراشوكەيەۆ «قازاقمىس» كورپوراتسياسىنا قاراستى «جايسان» كەنىشىندە ورىن العان جازاتايىم وقيعانى تەكسەرۋ بارىسىن جەكە باقىلاۋىنا الدى.

قازىر كەنىش ورنىنا اكىمدىكتە ارنايى قۇرىلعان كوميسسيا اتتانىپ كەتتى، دەپ حابارلايدى Kazinform.

وبلىس اكىمدىگى ەڭبەك ينسپەكتسياسى باسقارماسىنىڭ باسشىسى - باس مەملەكەتتىك ەڭبەك ينسپەكتورى جارىلقاسىن ايتاقوۆ باستاعان كوميسسيا قۇرامىندا ق ر ت ج م ونەركاسىپتىك قاۋىپسىزدىك دەپارتامەنتىنىڭ، «قازاقمىس كورپوراتسياسى» ج ش س- نىڭ وكىلدەرى بار.

قازىرگى تاڭدا جامبىل وبلىسى شۋ اۋدانىنىڭ اكىمى باقىتجان جانىبەكوۆ وقيعا ورنىندا ءجۇر.

ەسكە سالايىق، بۇگىن «قازاقمىس» كومپانياسىنىڭ جامبىل وبلىسىنداعى «جايسان» كەنىشىندە تاۋ-كەن جۇمىستارىن جۇرگىزۋ كەزىندە ع. وماروۆ اتىنداعى شاحتا پروحودكالاۋ ترەستىنىڭ 1981 جانە 2002-جىلى تۋعان جۇمىسشىلارى اۋىر جاراقات الىپ، كوز جۇمدى.

ايتا كەتسەك، بۇل «قازاقمىسقا» تيەسىلى كەنىشتەردە سوڭعى ۋاقىتتا ورىن العان العاشقى وقيعا ەمەس. اتاپ ايتقاندا، وسىدان ءبىر اپتا بۇرىن «قازاقمىس» كومپانياسىنىڭ جەزقازعان بايىتۋ فابريكاسىندا ماشينيست مەرت بولدى. ال 6- قاراشادا شىعىس جەزقازعان كەنىشىنىڭ 57№ شاحتاسىندا جۇمىسشى قازا تاۋىپ، «جىلاندى» كەنىشىندە 6 قىزمەتكەر جاراقات العانى حابارلانعان ەدى.