تۇركيانىڭ ادەبيەتكە ارنالعان Edebiyat360 سايتى مەن ەۋرازيا جازۋشىلار وداعى جاريالاعان مالىمەتكە سايكەس، بايقاۋ قورىتىندىسى 2026-جىلعى 24-قازاندا جاريالانعان. بيىلعى بايقاۋعا تۇركى تىلدەرى مەن ولاردىڭ ديالەكتىلەرىندە جازىلعان بارلىعى 440 اڭگىمە ۇسىنىلعان. شىعارمالار 12 ەل مەن ايماق بويىنشا قۇرىلعان الدىن الا قازىلار القاسىنىڭ قاراۋىنا ءتۇسىپ، الدىمەن بايقاۋ تالاپتارىنا سايكەستىگى تەكسەرىلگەن.
ۇيىمداستىرۋشىلاردىڭ مالىمەتىنشە، بايقاۋعا ازەربايجاننان 11، گاگاۋزيادان 1، سولتۇستىك ماكەدونيادان 2، قازاقستاننان 88، قىرعىزستاننان 40، وزبەكستاننان 10، قاراشايدان 2، بالقاردان 6، ساحا ەلىنەن (ياكۋتيا) 1، تاتارستاننان 16، تۇركيادان 48، تۇرىكمەنستاننان 16 جانە گەرمانياداعى ۇيعىر قاۋىمىنان 1 شىعارما تۇسكەن. قاتىسۋشىلاردىڭ ەڭ كوبى قازاقستاننان ۇسىنىلعان.
بايقاۋدىڭ ايماقتىق ىرىكتەۋ كەزەڭىندە ءار ەل مەن ايماقتان ۇزدىك دەپ تانىلعان شىعارمالار انىقتالدى. قازىلار القاسى مۇشەلەرىنىڭ قاتىسۋىمەن جانە ەۋرازيا جازۋشىلار وداعىنىڭ ءتوراعاسى ۋفۋك تۋزماننىڭ جەتەكشىلىگىمەن وتكەن وتىرىستا جۇلدەلى ورىندارعا ۇسىنىلعان بۇركەنشىك اتتار جازىلعان كونۆەرتتەر اشىلىپ، اۆتورلاردىڭ شىن ەسىمدەرى مەن ءومىرباياندىق دەرەكتەرى جاريا ەتىلدى.
وسىلايشا، قازاقستان اتىنان قاتىسقان باقىتجول كاكەش ۇلى «جالعىز ساياحاتشى» بۇركەنشىك اتىمەن ۇسىنىلعان «ەستىلمەيتىن كۇي» اڭگىمەسى ارقىلى ايماقتىق ءبىرىنشى ورىن يەگەرى اتاندى.
12 ەل مەن ايماقتىڭ قالامگەرلەرى ايماقتىق جەڭىمپاز اتاندى
بايقاۋدىڭ ايماقتىق ءبىرىنشى ورىن يەگەرلەرى مەن ولاردىڭ شىعارمالارى تومەندەگىدەي:
1. ازەربايجان - دجوشگۋن حاليلوعلى «سوڭعى جۇمىس كۇنى» («Sonuncu İş Günü») اڭگىمەسىمەن جەڭىمپاز اتاندى. بۇركەنشىك اتى - زافار.
2. سولتۇستىك ماكەدونيا - گۇلاي الچە «يسكەندەر بەي» («İskender Bey») اڭگىمەسىمەن ءبىرىنشى ورىن الدى. بۇركەنشىك اتى - رۋمەليا.
3. قاراشاي - ايبازلانى سولتان «اباي اققا» («Abay akka») اڭگىمەسىمەن جەڭىمپاز اتاندى. بۇركەنشىك اتى - سولتان.
4. بالقار - مۋسۋكولاني ساكينات «حۋدوجنيك» («Hudojnik») اڭگىمەسىمەن ايماقتىق ءبىرىنشى ورىنعا يە بولدى. بۇركەنشىك اتى - تامادا ەگەچ.
5. قازاقستان - باقىتجول كاكەش ۇلى «ەستىلمەيتىن كۇي» اڭگىمەسىمەن جەڭىمپاز اتاندى. بۇركەنشىك اتى - جالعىز ساياحاتشى.
6. قىرعىزستان - زيناكان پاسانوۆا «كوشوگوسىز كولۋكتۋ» («Kِşِgِsüz koluktu» ) اڭگىمەسىمەن ءبىرىنشى ورىن الدى. بۇركەنشىك اتى - تىم قىز.
7. وزبەكستان - ماحماداليەۆ ەركينجون «كوندون بيچيلگان كافان» اڭگىمەسىمەن ايماقتىق جەڭىمپاز اتاندى. بۇركەنشىك اتى - ەركين نورسافار.
8. ساحا ەلى (ياكۋتيا) - اگرافەنا كۋزمينا «ءبىر قادام، ءبىر تىنىس» («Bir adim, bir nefes») اڭگىمەسىمەن ءبىرىنشى ورىنعا يە بولدى. بۇركەنشىك اتى - اياانا.
9. تاتارستان - ليليا گيبادۋللينا «ءاليا» («Aliya») اڭگىمەسىمەن ايماقتىق ءبىرىنشى ورىن الدى. بۇركەنشىك اتى - Yazim Yazuvçu.
10. تۇركيا - رەجەپ سۋباشى «كىر ەتىك، تازا شۇلىق» («Pis aizmeler، Temiz اoraplar») اڭگىمەسىمەن جەڭىمپاز اتاندى. بۇركەنشىك اتى - تاڭقالارلىق.
11. تۇرىكمەنستان - رەجەبوۆ اكمىرات «ات- مۇراد» («At-Murad») اڭگىمەسىمەن ءبىرىنشى ورىن الدى. بۇركەنشىك اتى - ساحرايى.
12. ۇيعىر (گەرمانيا) - حابيبۋللا ءابليميت «كۇرشاد» («Kürşad») اڭگىمەسىمەن ايماقتىق جەڭىمپاز اتاندى. بۇركەنشىك اتى - ايبيبۋللا.
ماحمۇد قاشقاري اتىنداعى حالىقارالىق اڭگىمەلەر بايقاۋى تۇركى حالىقتارىنىڭ ادەبي بايلانىسىن نىعايتىپ، ورتاق مادەني مۇرانى كوركەم شىعارما ارقىلى تانىتۋعا باعىتتالعان. ونىڭ ەرەكشەلىگى - تۇركيا تۇرىكشەسىمەن قاتار قازاق، قىرعىز، وزبەك، ازەربايجان، تاتار، تۇرىكمەن جانە وزگە دە تۇركى تىلدەرىندە جازىلعان تۋىندىلاردىڭ ءبىر الاڭدا باعالانۋى.
بايقاۋدىڭ ايماقتىق كەزەڭىندە جەڭىمپاز اتانعان قالامگەرلەردىڭ شىعارمالارى حالىقارالىق كەزەڭدە قارالىپ، ۇزدىك تۋىندىلار انىقتالادى. حالىقارالىق باس جۇلدەلەردىڭ تۇپكىلىكتى قورىتىندىسى مەن ماراپاتتاۋ ءراسىمى 2026-جىلعى 8 -جەلتوقسانعا جوسپارلانعان.
قازاقستاندىق قالامگەردىڭ بۇل جەتىستىگى وتاندىق ادەبيەتتىڭ تۇركى الەمىندەگى شىعارماشىلىق بايلانىستار اياسىندا تانىلۋىنا مۇمكىندىك بەرەدى.
وسىعان دەيىن قازاق ادەبيەتىن الەمنىڭ 125 ەلىندە وقيتىنى تۋرالى جازدىق.