قازاق زيالىلارىن جاتقا بىلەتىن شىمكەنتتىك 3 جاسار ءبۇلدىرشىن كوپتى ءسۇيسىندىردى

قازاق زيالىلارىنىڭ اتى-ءجونى مەن سۋرەتىن جاتقا بىلەتىن ءبۇلدىرشىن كوپتى ءسۇيسىندىردى. بالاباقشا جاسىنداعى بالانىڭ اقىن-جازۋشىلاردى جاتقا ايتىپ وتىرعان ءساتىنىڭ ۆيدەوسىن اناسى تىكتوك پاراقشاسىندا جاريالادى، - دەپ حابارلايدى otyrar.kz.

ۆيدەودا قولىنا «ادەبيەتتىك وقۋ» ءپانىنىڭ وقۋلىعىن ۇستاعان بالاقايدىڭ اناسى كىتاپتى پاراقتاپ وتىرىپ، ۇلىنان ونداعى اقىن-جازۋشىلاردىڭ اتى-ءجونىن سۇرايدى. ءبۇلدىرشىن «اباي قۇنانباي ۇلى»، ىبىراي التىنسارين، شاكارىم قۇدايبەردى ۇلى، احمەت بايتۇرسىن ۇلى» دەپ قازاق زيالىلىلارىنىڭ ەسىمدەرىن ايتىپ بەرەدى.

جەلى قولدانۋشىلارى ءبۇلدىرشىننىڭ ەستە ساقتاۋ قابىلەتىنە تاڭعالىپ، «بولاشاقتا عالىم» بولسىن دەگەن تىلەك ايتتى.

جەلى قولدانۋشىلارى «مىقتى بالا بولايىن دەپ تۇر»، «اللا قالاسا، بالاڭىز ۇلكەن عالىم بولار. ءتىل-كوزدەن امان بولىپ، ۇلكەن ازامات بوپ ءوسسىن»، «ءوزىم تەك ابايدى بىلەمىن، قالعاندارىن ۇمىتىپ قالىپپىن. جارايسىڭ، بالاقاي»، «كەلەشەكتە جازۋشى بولشى. تەز ۇعادى ەكەن»، «كەرەمەت. ءتىل-كوزدەن امال بول، بالاپان»، «وسىنشا جاسىندا ءبارىن ءبىلىپ تۇر. ءبىر جەردى تەسىپ شىعادى»، «تالابىڭا نۇر جاۋسىن»، «بىزدەن جاقسى بىلەدى ەكەن» دەپ پىكىر جازدى.

اۆتوردىڭ جەلى قولدانۋشىلارىنىڭ بەرگەن جاۋابىندا بالانىڭ 3 جاستا ەكەنىن جازعان. شىمكەنتتە تۇرادى.