قازاق تىلىندەگى بالالار ادەبيەتى سيفرلىق فورماتقا كوشىرىلەدى
استانا. KAZINFORM - قازاق تىلىندەگى بالالار ادەبيەتى تسيفرلىق فورماتقا كوشىرىلەدى. بۇل تۋرالى سەنات دەپۋتاتتارىنىڭ ساۋالىنا پرەمەر- مينيستر ولجاس بەكتەنوۆتىڭ جاۋابىندا ايتىلعان.
- قازىرگى ۋاقىتتا ەلەكتروندىق كىتاپحانانى قۇرۋ جۇمىستارى «قازاقستان رەسپۋبليكاسىنىڭ ۇلتتىق اكادەميالىق كىتاپحاناسى» بازاسىنداعى «قازاقستان ۇلتتىق ەلەكتروندىق كىتاپحاناسى» (بۇدان ءارى - «ق ا ز ۇ ە ك») اقپاراتتىق جۇيەسى شەڭبەرىندە جۇزەگە اسىرىلىپ جاتىر. وندا سيفرلىق فورماتقا اۋدارىلعان وتاندىق باسىلىمدار (سيرەك كەزدەسەتىن كىتاپتار، قولجازبالار مەن مەرزىمدى باسىلىمدار) جيناقتالعان. بۇل ەلەكتروندى كىتاپحانا قۇجاتتاردى جيناۋ، جۇيەلەۋ، كاتالوگتاۋ جۇمىستارىن جۇرگىزەدى، سول ارقىلى تسيفرلىق مۇراعاتتى قالىپتاستىرادى. بۇل رەتتە «قازۇەك» اقپاراتتىق جۇيەسى قازاق تىلىندەگى بالالار ادەبيەتىن سيفرلىق فورماتتاۋدى جۇرگىزەدى، - دەدى ولجاس بەكتەنوۆ جاۋابىندا.
سونداي-اق ۇكىمەت باسشىسى سەنات دەپۋتاتتارىنىڭ بالالار ادەبيەتىن دامىتۋعا ارنالعان ۇلتتىق ستراتەگيا قابىلداۋ ۇسىنىسىنا جاۋاپ بەرگەن ەدى.
ايتا كەتەيىك، «قازۇەك» قورىندا ەرتەگىلەر، باتىرلار جىرلارى، اڭىز اڭگىمەلەر، ميفتەر، كوركەم ادەبيەت، ەنتسيكلوپەديالار توپتاستىرلعان 1 309 بالالار ادەبيەتى بار.
پرەمەر- مينيستر ولجاس بەكتەنوۆ سەنات دەپۋتاتتارىنىڭ بالالار ادەبيەتىن دامىتۋعا ارنالعان ۇلتتىق ستراتەگيا قابىلداۋ ۇسىنىسىنا جاۋاپ بەرگەن ەدى.