قازاق تىلىندە سويلەيتىن جاساندى ينتەللەكت كىرىكتىرىلگەن چات-بوت پايدا بولدى

 جاساندى ينتەللەكت (AI) قازىرگى بيزنەس الەمدى قالىپتاستىراتىن نەگىزگى تەحنولوگيالاردىڭ بىرىنە اينالدى. AI-دى ەنگىزۋ كۇندەلىكتى عانا ەمەس، ۇلكەن كومپانيالاردىڭ جۇمىس پروتسەسىندەگى تيىمدىلىك پەن باسەكەگە قابىلەتتىلىگىن ارتتىرا الاتىنىن دالەلدەپ كەلەدى. دەگەنمەن مۇنداي جاڭا تەحنولوگيانى جۇمىس پروتسەسىنە ەنگىزۋ كەزىندە ايماقتىڭ مادەني جانە تىلدىك ەرەكشەلىكتەرىن ەسكەرۋ قاجەت. 

قازىر بارلىعىنا قولجەتىمدى ChatGPT جۇيەسى قانداي دا بولماسىن ماماندىق يەسىنە قاجەتتى اقپاراتتى بەرىپ، سۇرانىسىن قاناعاتتاندىرىپ، قولعابىس ەتىپ وتىر. ال ەندى وسى جاساندى ينتەللەكتىنىڭ جۇمىسىڭىزداعى مىندەتتەرىڭىزگە يكەمدەلىپ جاسالعانىن ەلەستەتىپ كورىڭىزشى؟! ەندى قازاقستاندىقتار بيزنەس پروتسەستەردەگى تاپسىرمالار مەن جۇمىستارىن، سونىڭ ىشىندە تەحنيكالىق ناقتى شارالاردى جەڭىلدەتىپ، وڭتايلاندىرا الادى.

حالىقارالىق IT- كونسالتينگتىك كومپانيا Awara IT قازاقستاندا ۇجىمدىق سەكتور ءۇشىن رەۆوليۋتسياعا اينالاتىن چات-بوتتىڭ قازاق تىلىندەگى بەتا-نۇسقاسى ىسكە قوسىلعانىن جاريالادى. Prompt Wagon دەپ اتالاتىن بۇل قوسىمشا قولدانۋشىنىڭ قازاقشا جازعان ساۋالدارىنا جاۋاپ بەرىپ، كەرەك اقپاراتىن جىلدام ۇسىنا الادى.

بۇل تۋرالى Kazinform اگەنتتىگى Stan.kz-كە سىلتەمە جاساپ حابارلايدى. 

ستەنفورد ۋنيۆەرسيتەتى جاريالاعان AI Index 2023 ەسەبىنە سايكەس، 2017 -جىلدان بەرى كومپانيالار بيزنەس-پروتسەستەرىندە جاساندى ينتەللەكتىنى ەكى ەسە ءجيى قولدانا باستاعان. بۇل قازىرگى بيزنەس الەمىندەگى ونىڭ ماڭىزدىلىعىن كورسەتەدى. AI قولداناتىن ۇيىمدار شىعىندار ازايىپ، كىرىستىڭ جوعارىلاۋىن حابارلاۋدا، دەمەك، بۇل جاساندى ينتەللەكتتىڭ ستراتەگيالىق ماڭىزدىلىعىن كورسەتەدى.

چات-بوتتى قۇراستىرۋشىلاردىڭ سوزىنشە، Prompt Wagon-دى قۇرۋ AI-نى قازاقستاننىڭ ۇجىمدىق سەكتورى ءۇشىن نەعۇرلىم قولجەتىمدى جانە پايدالى ەتۋ نيەتىنەن تۋىندادى. بۇل قوسىمشانىڭ ماڭىزدى ەرەكشەلىگى - ونىڭ قازاق ءتىلىن ءتۇسىنۋى جانە مەملەكەتتىك تىلدە كوممۋنيكاتسيا قۇرا الۋ مۇمكىندىگى. بۇل ونى بيزنەس ماماندار اراسىنداعى قارىم-قاتىناس پەن اقپارات الماسۋدىڭ قۋاتتى قۇرالىنا اينالدىرادى.

ايتا كەتۋ كەرەك، قوسىمشادا 100-دەن استام كىرىكتىرىلگەن ونەركاسىپتىك ءونىم بار، بۇل ونى بيزنەستىڭ ءارتۇرلى سالاسىنا ءتيىمدى ەتەدى.

جوبانىڭ ىسكە اسىرىلۋىنا 2 اپتا ۋاقىت كەتكەن. قازىر قازاق تىلىندە سويلەيتىن «اقىلدى» چات- بوتى بار قوسىمشا كومپانيالار ءۇشىن قولجەتىمدى.

چات-بوتتى قۇراستىرۋشىلاردىڭ سوزىنشە، ونى پايدالانۋ باعاسى ايىنا 20 دوللاردان (9500 تەڭگە) اسپايدى، ءتىپتى باستاپقى ۋاقىتتا تەگىن بولۋى دا مۇمكىن.

«بۇل ءونىمدى جۇزەگە اسىرۋعا نەبارى 2 اپتا كەتتى. ول Microsoft Global AI Hackathon اياسىندا جاسالىپ شىقتى. مۇنداي از ۋاقىتتا ازىرلەنۋى زاماناۋي low-code پلاتفورمانىڭ زور مۇمكىندىكتەرىن كورسەتەدى. بۇل شەشىم ارنايى قابىلەتى جوق ماماندارعا دا، چاتتاعى اكىمشىلەرگە دە قولدانۋعا قولايلى. بيزنەس- سەكتور وكىلدەرىنىڭ Prompt Wagon قوسىمشاسىن قولدانۋىنىڭ ارتىقشىلىقتارى بار. ماسەلەن، پايدالانۋشىلاردى وقىتۋ جانە بەيىمدەۋدە جانە اقپاراتتىق قاۋىپسىزدىك ماسەلەلەرىندە قيىندىققا تاپ بولعان كورپوراتسيالاردا GPT-4 تەحنولوگيالارىن بەيىمدەۋگە كەتەتىن ۋاقىتتى ۇنەمدەۋگە بولادى»، - دەيدى Awara IT كومپانياسىنىڭ باسقارۋشى سەرىكتەسى الەكساندر ەرماكوۆ.

ال Awara IT باس ديرەكتورى ميحايل نامنىڭ سوزىنشە، قوسىمشانى جاساپ شىعارۋ كەزىندە قازاق ءتىلى ماماندارى جۇمىسقا جۇمىلدىرىلعان. سونىڭ وزىندە قۇراستىرۋ جانە ايماقتاندىرۋ كەزىندە قيىندىقتار بولعان ەكەن.

«شىندىعىندا ءبىز كۇندەلىكتى قولداناتىن قازاق ءتىلى اۋىزەكى ءتىل دەڭگەيىندە جانە كەيدە شالا قازاق ءتىلىنىڭ ەلەمەنتتەرى كورىنىس تابادى. سوندىقتان چات- بوتتا كىرىكتىرىلگەن قازاق ءتىلىن تەكسەرۋگە ارنايى فيلولوگ ماماندار قاتىستى. الداعى ۋاقىتتا قولدانۋشىعا بەرگەن جاۋاپتاردىڭ ساپاسى جاقسارا بەرەدى جانە وعان قولدانۋشىلاردىڭ وزدەرى دە كەرى بايلانىس بەرۋ ارقىلى اتسالىسا الادى»، - دەيدى ول.

ۇيىمداستىرۋشىلاردىڭ سوزىنشە، قازىرگى اقپاراتتىق كەڭىستىكتە ساپالى قازاق تىلىندەگى كونتەنتتىڭ جەتىسپەۋشىلىگى بار جانە بۇل جاساندى ينتەللەكتىنىڭ تولىققاندى جۇمىس ىستەۋىنە سايكەسىنشە اسەر ەتەدى.