قازاق تەننيسشىسى الەمدىك رەيتينگتە جەكە رەكوردىن جاڭارتتى

كاسىبي تەننيسشىلەر قاۋىمداستىعىنىڭ (ATP) جاڭارتىلعان رەيتينگىسىندە ب. جۇقايەۆ 187 دەن 186 عا كوتەرىلدى.

بۇل - ونىڭ دۇنيەجۇزىلىك رەيتينگتەگى ۇزدىك كورسەتكىشى.

قازاقستاننىڭ ءبىرىنشى راكەتكاسى الەكساندر بۋبليك 32-ورنىن ساقتاسا، تيموفەي سكاتوۆ – 215، دەنيس ەۆسەيەۆ – 226، ميحايل كۋكۋشكين 229-ساتىدا تۇر.

جۇپتىق سىندا الەكساندر نەدوۆەسوۆ – 44، اندرەي گولۋبيەۆ 61-ورنىندا قالدى.

ايەلدەر تەننيسى قاۋىمداستىعىنىڭ (WTA) جاڭارتىلعان رەيتينگىسىندە ەلەنا رىباكينا بۇرىنعىشا 4-ورىندا كەلەدى. يۋليا پۋتينتسيەۆا – 69، ارۋجان ساعىندىقوۆا 787-ساتىدا.

جۇپتىق سىندا اننا دانيلينا – 56، ە. رىباكينا – 118، جىبەك قۇلامبايەۆا 143-ورىنعا جايعاستى.

ەسكە سالا كەتەيىك، بۇدان بۇرىن قازاقستاندىق تەننيسشىنىڭ مىسىرداعى جارىستىڭ جەڭىمپازى اتانعانىن جازعان بولاتىنبىز.