قازاق قىزى قىتايداعى جارىستىڭ جارتىلاي فينالىنا شىقتى

استانا. KAZINFORM - قازاقستاندىق تەننيسشى، 20 جاستاعى ساندۋعاش كەنجەبايەۆا جۇپتىق سىندا ماانشان (قىتاي) ITF W15 تۋرنيرىنىڭ جارتىلاي فينالىنا ءوتتى.

جارىستىڭ 4-راكەتكالارى بولىپ تىركەلگەن ساندۋعاش كەنجەبايەۆا مەن رەسەيلىك سوفيا لانسەرە شيرەك فينالدا قىتايلىقتار يفان سۋن - سيچەن چجاومەن شەبەرلىك بايقاستى.

ءبىرىنشى پارتيادا قازاقستاندىق-رەسەيلىك جۇپ 1:6 ەسە جىبەرگەنىمەن، ەكىنشى سەتتە ەسە قايىردى - 6:3.

سودان كەيىن تاي-برەيكتە جەڭىستى جۇلىپ الدى - 10:5.

ماتچ 1 ساعات 23 مينۋتقا سوزىلدى.

ساندۋعاش كەنجەبايەۆا - سوفيا لانسەرە فينالعا شىعۋ ءۇشىن دودانىڭ 1-راكەتكالارى، قىتايلىق يۋتسزيا حۋان - تايبەيلىك يۋ-يۋن لي ح- مەن تالاسادى.

ساندۋعاش كەنجەبايەۆا جەكەلەي سىندا ەكىنشى اينالىمدا الەمنىڭ 348- ءىنشى، وسى تۋرنيردىڭ 2-راكەتكاسى، قىتايلىق لي تسزۋنيۋي ح- عا جول بەردى - 1:6,2:6.

ەسكە سالا كەتەيىك، بۇدان بۇرىن قازاقستاندىق تەننيسشىنىڭ قىتايداعى تۋرنيردە ءبىر كۇندە ەكى جەڭىسكە قول جەتكىزگەنىن جازعان ەدىك.