استانا. KAZINFORM - قازاقستاندىق ايەلدەر كۇرەسەنىڭ ۇزدىگى ءجاميلا باقبەرگەنوۆا «بىرىككەن كۇرەس الەمى» (UWW) جاريالاعان جاڭا رەيتينگتە جاپون قىزىن باسىپ وزىپ، كوش باستادى.
ءجاميلا باقبەرگەنوۆا جۋىردا وتكەن ازيا چەمپيوناتىندا ءتورتىنشى رەت توپ جارىپ، التىننان القا تاققان بولاتىن. وسى جارىس ناتيجەسى بويىنشا ول 10 مىڭ ۇپاي ەنشىلەپ، جاپونيا وكىلى امي يشيدى ەكىنشى ورىنعا ىعىستىردى.
ايتا كەتەيىك، بۇل ءجاميلانىڭ جىل باسىنان بەرگى بەلدەسكەن ءتورتىنشى باسەكەسى جانە ونىڭ بارىندە وتانداسىمىز توپ جارىپ كەلدى.
ءجاميلا باقبەرگەنوۆانىڭ قورجىنىندا الەم چەمپيوناتىنىڭ 4 كۇمىس 1 قولا جۇلدەسى بار. ازيا چەمپيوناتىنىڭ 4 دۇركىن چەمپيونى، ازيا ويىندارىنىڭ كۇمىس مەدال يەگەرى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.