قازاق- قىرعىز شەكاراسى ماڭىندا تۇراتىن ەكى ازامات ەسىرتكى ساتقانى ءۇشىن 13 جىلعا سوتتالدى

  گەروينمەن ۇستالعانداردىڭ ءارقايسىسى 13 جىلعا باس بوستاندىعىنان ايىرىلدى، دەپ ءمالىم ەتتى قىرعىز رەسپۋبليكاسىنىڭ ۇلتتىق قاۋىپسىزدىك مەملەكەتتىك كوميتەتى. Kazinform بۇل تۋرالى كابار-عا سىلتەمە جاساپ حابارلايدى.

ۆەدومستۆو اقپاراتى بويىنشا، جۇرگىزىلگەن جەدەل-ىزدەۋ شارالارى بارىسىندا قازاقستان مەن قىرعىزستان شەكتەسەتىن ايماق تۇرعىندارى ۇيىمداستىرعان اۋىر ەسىرتكى زاتتارىنىڭ زاڭسىز اينالىمىنىڭ جولى كەسىلدى.

ق ر ق ك 282-بابى بويىنشا قوزعالعان قىلمىستىق ءىس اياسىندا ءتۇرلى ەسىرتكى قۇرالدارىن قىرعىز رەسپۋبليكاسى اۋماعىندا جانە باسقا ەلدەرگە تاراتقان ز. ە. ز. جانە ش. ە. دج اتتى قىرعىزستان ازاماتتارى مەن قازاقستاندىق ازاماتتار انىقتالدى.

2022-جىلدىڭ 13-قاراشاسىندا سالماعى 1105 گرامم گەرويندى (قارا نارىقتاعى باعاسى 5 ميلليون سوم) تاسىمالداۋ كەزىندە شۋ وبلىسى جايىل اۋدانى «سوسنوۆكا» سالماق ولشەۋ پوستىندا تالاس وبلىسىنىڭ تۋماسى ءارى تۇرعىنى ش. ە. دج. جانە وسى ارنانى ۇيىمداستىرعان تالاس وبلىسىنىڭ تۋماسى ز. ە. ز. ۇستالدى.

جايىل اۋداندىق سوتىنىڭ شەشىمىمەن ز. ە. ز. مەن ش. ە. دج.13 جىل باس بوستاندىعىنان ايىرىلىپ، مۇلكى تاركىلەندى.

ق ر ۇ ق م ك زاڭسىز ەسىرتكى اينالىمىمەن اينالىسقانداردى قاتاڭ جازا كۇتىپ تۇرعانىن ەسكەرتتى.