قازاق نەيروحيرۋرگى پاريجدە ەكى كۇردەلى وتانى ءساتتى جاسادى
پاريج. KAZINFORM - قازاقستاندىق نەيروحيرۋرگ مىڭجىلقى بەردىقوجايەۆتىڭ جەتەكشىلىگىمەن فرانسيادا ەكى ازاماتقا كۇردەلى وتا جاسالدى. ال ول وپەراتسيانى الەمنىڭ ۇزدىك دارىگەرلەرى تىكەلەي ەفيردە باقىلادى.
كۇنى كەشە جاسالعان قوس وپەراتسيا دا ءساتتى ءوتىپ، ناۋقاستار ەسىن جيىپ ۇلگەرىپتى.
بۇل تۋرالى پاريجدە ءوتىپ جاتقان حالىقارالىق كونفەرەنسياعا اتتانعان مامان مالىمدەدى.
- بارلىق وپەراتسيا ءساتتى ءوتتى. وتانى دۇنيەجۇزىنەن جينالعان، قان تامىر ىشىمەن ەمدەيتىن نەيروحيرۋرگتەر تاماشالاعان ەدى. ءبىرىنشى وپەراتسيامىز - باسىندا ارتەريوۆەنوزدىق مالفورماتسياسى بار، قان تامىرلارى جىرتىلعان اۋىر جاعدايداعى ناۋقاسقا جاسالدى. قازىر ناۋقاس وياندى، ءبارى ويداعىداي. ەكىنشى ناۋقاسىمىزدىڭ باسىنداعى مي قان تامىرلارىندا انيەۆريزماسى بار جانە ميعا باراتىن تامىرلارى قاتتى تارىلعان. ول كىسىگە جاسالعان وتا دا ويداعىداي ءوتتى. وپەراتسيانى كوماندامىزبەن بىرگە جاسادىق. ءبىز مۇنداي وپەراتسيالاردى اپتا سايىن جاسايمىز. وتا بارىسىن مەنىڭ YouTube ارنامنان دا كورسەتەمىز. ءبىراق وندا ناۋقاستاردىڭ اتى-ءجونىن جاريالامايمىز، - دەيدى دارىگەر.
ايتا كەتەيىك، جاقىندا الماتىلىق دارىگەرلەر جاڭا تۋعان نارەستەگە كۇردەلى وپەراتسيا جاسادى.
اۆتور
ارۋجان ماحمۋت