ءمينيستردىڭ سوزىنشە، كينو - ۇلتتىق مادەنيەتتى دارىپتەپ، ەلدىڭ تاريحى مەن ءداستۇرىن كەيىنگى ۇرپاققا جەتكىزەتىن ماڭىزدى سالا. سوڭعى جىلدارى قازاقستاندا كينويندۋستريانى قولداۋ تەتىكتەرىن جەتىلدىرۋ جانە ۇلتتىق كينوستۋديانىڭ الەۋەتىن ارتتىرۋ باعىتىندا جۇمىستار جۇرگىزىلىپ جاتىر.
- شاكەن ايمانوۆ اتىنداعى «قازاقفيلم» ۇلتتىق كينوستۋدياسىنىڭ ورنى بولەك. مەملەكەت باسشىسىنىڭ تاپسىرماسىمەن كينوستۋديانى تىكەلەي مەملەكەتتىك قولداۋ قايتا قولعا الىندى. ەندىگى ماڭىزدى قادام - «قازاقفيلم» مەن ۇلتتىق كينونى قولداۋ مەملەكەتتىك ورتالىعىن بىرىكتىرۋ، - دەدى ارمان قىرىقبايەۆ.
ونىڭ ايتۋىنشا، مينيسترلىكتىڭ نەگىزگى مىندەتتەرىنىڭ ءبىرى - كينو سالاسىنداعى وزگەرىستەردىڭ تيىمدىلىگىن قامتاماسىز ەتۋ، وندىرىستىك جانە شىعارماشىلىق مۇمكىندىكتەردى كۇشەيتۋ، سونداي-اق جەكە كينوكومپانيالاردى قولداۋ.
قازاقستاندا جىل سايىن ونداعان وتاندىق فيلم تۇسىرىلەدى. ماسەلەن، 2024 -جىلى 94 فيلم وندىرىلسە، 2025 -جىلى وتاندىق پروكاتقا 103 فيلم شىققان.
مينيستر قازاق كينوسىنا كورەرمەن قىزىعۋشىلىعىنىڭ ارتىپ كەلە جاتقانىن اتاپ ءوتتى. سونىمەن قاتار ۇلتتىق كينو مۇراسىن ساقتاۋ ءۇشىن التىن قورداعى فيلمدەردى سيفرلاندىرۋ جانە قالپىنا كەلتىرۋ جۇمىستارى جالعاسىپ جاتىر.
بيىل رەجيسسەر ابدوللا قارساقبايەۆتىڭ تۋعانىنا 100 جىل تولادى. ونىڭ مەرەيتويى يۋنەسكو- نىڭ اتاۋلى كۇندەر مەن مەرەيتويلار كۇنتىزبەسىنە ەنگىزىلگەن.
ارمان قىرىقبايەۆ قازاق كينوسىنا جاڭا ەسىمدەر، تىڭ يدەيالار جانە ەلدىڭ وتكەنى مەن بۇگىنى، بولاشاعى مەن جەتىستىكتەرىن ارقاۋ ەتەتىن مازمۇندى تۋىندىلار قاجەت ەكەنىن ايتتى.
- مۇنداي فيلمدەر كورەرمەن جۇرەگىنەن ورىن الىپ، قازاقستاندى الەمگە لايىقتى تانىتۋى ءتيىس، - دەدى مينيستر.