قازاق «جانىم - ارىمنىڭ ساداعاسى» دەگەن ءور نامىستى، ايبارلى ەل - پرەزيدەنت

استانا. KAZINFORM - قازاقستان ءۇشىن ەڭ باستى ماقسات - ۇلت مۇددەسىن قورعاۋ. بۇل تۋرالى مەملەكەت باسشىسى قاسىم-جومارت توقايەۆ ەلوردادا ءوتىپ جاتقان ۇلى جەڭىستىڭ 80 جىلدىعىنا ارنالعان اسكەري پارادتا ايتتى.

- ءبىز جەڭىستىڭ 80 جىلدىعىن اتاپ وتۋگە باسا نازار اۋداردىق، ەلىمىز بويىنشا مىڭداعان ماڭىزدى، اۋقىمى كەڭ ءىس-شارا وتكىزىلىپ جاتىر. 500 گە جۋىق كوشەگە قازاقستان قاھارماندارىنىڭ ەسىمى بەرىلەتىن بولدى. ەلىمىزدە قازاقستاندىق مايدانگەرلەرگە ارنالعان «باتىرلارعا تاعزىم» اتتى شەرۋ وتەدى. ادامزات تاريحىنداعى ەڭ سۇراپىل سوعىسقا قاتىسۋشىلاردىڭ ۇرپاعى اتالارىنىڭ سۋرەتتەرىن كوشەلەرمەن الىپ جۇرەدى. بۇگىنگىدەي جاھاندىق ساياساتقا اگرەسسيا مەن قاتىگەزدىكتىڭ جەگى قۇرتى دەندەپ ەنگەن كەزەڭدە سوعىستىڭ قاسىرەتىن ەلىمىزدىڭ بارشا ازاماتىنا ءتۇسىندىرۋ اسا ماڭىزدى، - دەدى مەملەكەت باسشىسى.

قاسىم-جومارت توقايەۆ اقيقاتتى تانىماي بەيبىتشىلىكتىڭ قادىرىن ءبىلۋ مۇمكىن ەمەستىگىن باس ايتتى.

- سوعىستىڭ تاريحي اقيقاتىن، ۇلى جەڭىستىڭ ءمان-ماعىناسىن قاساقانا بۇرمالاۋعا جول بەرۋگە بولمايدى. قازىرگى قۇبىلمالى زاماندا قازاقستان ءۇشىن ەڭ باستى ماقسات - ۇلت مۇددەسىن قورعاۋ. سىرتقى ساياساتىمىز وسى ماقساتتى قامتاماسىز ەتۋ ءۇشىن جۇرگىزىلىپ جاتىر. قازاق حالقى - بەيبىت حالىق. «جانىم - ارىمنىڭ ساداعاسى» دەگەن ءور نامىستى، ايبارلى ەل، - دەدى پرەزيدەنت.

استاناداعى تاۋەلسىزدىك الاڭىندا جەڭىستىڭ 80 جىلدىعىنا ارنالعان اسكەري پاراد ءوتىپ جاتىر.

اۆتور

مارلان جيەمباي