قازاق فۋتبولىنىڭ جاۋھارى داستان ساتپايەۆ الەمنىڭ الپاۋىتتارىن تاڭعالدىرا باستادى

استانا. KAZINFORM – الەمگە تانىمال فۋتبول ينسايدەرى ءارى جۋرناليست فابريتسيو رومانو قازاق فۋتبولشىسى داستان ساتپايەۆتىڭ لوندوننىڭ «چەلسي» كلۋبىنا ترانسفەرىنە قاتىستى پىكىر ايتتى، دەپ حابارلايدى Sportinside.kz.

26,5 ميلليوننان استام جازىلۋشىسى بار رومانو X (بۇرىنعى Twitter) جەلىسىندە ارنايى جازبا جاريالاعان.

«داستان ساتپايەۆ - چەمپيوندار ليگاسى ماتچىندا گول سوققان العاشقى قازاق ويىنشىسى. ول بولاشاققا باعىتتالعان كەلىسىمشارتقا قول قويىپ، «چەلسيدىڭ» كەلەسى جاۋھارى اتاندى»، - دەپ جازدى ينسايدەر.

ەسكە سالايىق، بۇعان دەيىن «قايرات» كلۋبىنىڭ شابۋىلشىسى داستان ساتپايەۆ تاريحقا ەنگەن بولاتىن: ول نەگىزگى كەزەڭدە چەمپيوندار ليگاسىندا گول سوققان تۇڭعىش قازاق فۋتبولشىسى اتاندى.