الماتى قالالىق پوليتسيا دەپارتامەنتى الەۋمەتتىك جەلىدە قازاق ءتىلىن «مامبەت ءتىلى» دەپ مالىمدەمە جاساعان قىزدىڭ ارەكەتىنە قاتىستى تەرگەۋ جۇرگىزەدى، دەپ حابارلايدى Kazinform.
«اتالعان دەرەك بويىنشا الماتى قالالىق پوليتسيا دەپارتامەنتى ق ر قىلمىستىق كودەكسىنىڭ 174-بابىنىڭ (الەۋمەتتىك، ۇلتتىق، رۋلىق، ناسىلدىك، تەكتىك-توپتىق نەمەسە ءدىني الاۋىزدىقتى قوزدىرۋ) نورمالارىنا سايكەس، تەرگەۋ جۇرگىزىپ، زاڭمەن كوزدەلگەن شارالاردى قابىلدايتىن بولادى»، - دەدى الماتى قالالىق پوليتسيا دەپارتامەنتىنىڭ رەسمي وكىلى سالتانات ازىربەك ءتىلشى ساۋالىنا جاۋاپ بەرە وتىرىپ.
توقتالا كەتەيىك، ول قىز ۆيدەودا قازاق ءتىلىن ۇناتپايتىنىن العا تارتىپ، الماتىعا كەلەتىن اۋىل تۇرعىندارىنا قاتىستى ار-نامىستى قورلايتىن سوزدەر ايتقان. بۇل جەلى قولدانۋشىلارىنىڭ نارازىلىعىن تۋدىردى.
اۆتور
ءاليحان اسقار
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан