استانا. KAZINFORM - كۇرەس تۇرلەرىنەن وڭتۇستىك كورەيانىڭ ساندجۋ قالاسىندا ۇيىمداستىرىلعان Korea Open حالىقارالىق تۋرنيرى اياقتالدى.
قازاقستاندىق سپورتشىلار بۇل جارىستا 6 مەدال ەنشىلەپ قايتتى.
حالىقارالىق جارىستا 76 كەلىگە دەيىنگى سالماقتا كۇرەسكەن ەلميرا سىزدىقوۆا التىن مەدال يەگەرى اتاندى. قالعان 5 جۇلدەنى گرەك-ريم كۇرەسىنىڭ بالۋاندارى جەڭىپ الدى.
ايبەك ايتبەكوۆ (60 كەلى) پەن دياس سەيىتقاليەۆ (77 كەلى) فينالعا دەيىن جەتكەنىمەن، شەشۋشى بەلدەسۋلەردە جەڭىلىس تاپتى. ناتيجەسىندە كۇمىس مەدال يەلەندى.
ماقسات سايلاۋ، تەمىرلان تۇرداقىن (ەكەۋى دە 87 كەلى سالماقتا) جانە نۇراسىل ءامانالى (97 كەلى) قولا جۇلدەنى قاناعات تۇتتى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.