قاز ۇ ۋ وزىنە قول سالماق بولعان ستۋدەنت قىزدىڭ جاعدايىنا قاتىستى تۇسىنىك بەردى

الماتى. KAZINFORM - ءال-فارابي اتىنداعى قازاق ۇلتتىق ۋنيۆەرسيتەتى ءوزىن جاراقاتتاعان قىز تۋرالى تۇسىنىك بەردى.

Фото: kaznu.kz

ۋنيۆەرسيتەتتىڭ مالىمەتىنشە، ستۋدەنت قىز جەدەل جاردەم شاقىرعان.

- مەديتسينالىق قۇپيانى ساقتاۋ جانە زاڭناما تالاپتارىنا سايكەس اۋرۋحانا بىزگە ناۋقاستىڭ جاعدايى تۋرالى تولىق اقپارات بەرگەن جوق. ءبىز ستۋدەنت قىزدىڭ اتا-اناسىمەن تىعىز بايلانىستامىز. ولاردىڭ ايتۋىنشا، قازىرگى ۋاقىتتا ونىڭ جاعدايى تۇراقتى، - دەپ حابارلادى قاز ۇ ۋ باسپا ءسوز قىزمەتى.

سونداي-اق ۋنيۆەرسيتەت وكىلدەرى قازىر وقيعانىڭ بارلىق ءمان-جايىن قۇزىرلى ورگاندار انىقتاپ جاتقانىن اتاپ ءوتتى.

بۇعان دەيىن الماتىداعى ج و و-دا ستۋدەنت قىز وزىنە دەنە جاراقاتىن سالعانى ايتىلدى. الايدا بۇل كەزدە قاز ۇ ۋ مۇنى جالعان اقپارات دەگەن ەدى.

ەسكە سالايىق، بۇعان دەيىن دە قاز ۇ ۋ-دا ستۋدەنتتىڭ وزىنە قول سالۋىنا قاتىستى قىلمىستىق ءىس قوزعالعان ەدى.

عىلىم جانە جوعارى ءبىلىم ءمينيسترى ساياسات نۇربەك ءال-فارابي اتىنداعى قاز ۇ ۋ ستۋدەنتىنىڭ قايتىس بولۋىنا قاتىستى پىكىر ءبىلدىرىپ، ۋنيۆەرسيتەت باسشىلىعى مارقۇمنىڭ وتباسىنا قاجەتتى كومەك كورسەتكەنىن مالىمدەدى.

سودان كەيىن الماتىدا تاعى دا قاز ۇ ۋ ستۋدەنتى قازا تاپتى.

كۇدىكتى ۇستالىپ، پرورەكتور مەن دەكان جۇمىسىنان كەتتى.

ەكى جايتتان كەيىن قاز ۇ ۋ-عا مينيسترلىكتىڭ ارنايى توبى باراتىنى بەلگىلى بولدى.