قور وكىلدەرىنىڭ مالىمەتىنشە، الدىمەن مارقۇمنىڭ وتباسى جەرلەۋ راسىمىنە ارنالعان ءبىرجولعى تولەمدى الا الادى. بۇل تولەمنىڭ مولشەرى 94 ايلىق ەسەپتىك كورسەتكىشكە (ا ە ك) تەڭ. ەگەر مارقۇمنىڭ جيناقتارى كورسەتىلگەن سومادان از بولسا، وندا شوتتاعى بارلىق قاراجات تولىق تولەنەدى.
ءوتىنىشتى ب ج ز ق بولىمشەسىندە، موبيلدى قوسىمشا ارقىلى نەمەسە قوردىڭ رەسمي سايتى ارقىلى بەرۋگە بولادى.
قۇجاتتار تەكسەرىلگەننەن كەيىن تولەم 5 جۇمىس كۇنى ىشىندە اۋدارىلادى.
مارقۇمنىڭ قالعان زەينەتاقى جيناقتارىن الۋ ءۇشىن مۇراگەرلەر مىندەتتى تۇردە نوتاريۋسقا جۇگىنۋى ءتيىس.
نوتاريۋس e-NOTARIAT جۇيەسى ارقىلى ب ج ز ق- عا سۇراۋ جولداپ، جيناقتار تۋرالى اقپارات الادى.
ەگەر مۇراگەر التى ايلىق مەرزىمدى وتكىزىپ السا، مۇراگەرلىك قۇجاتتى قالپىنا كەلتىرۋ ءۇشىن سوتقا ءوتىنىش بەرۋ قاجەت.
مۇراگەرلىك قۇجات دايىن بولعاننان كەيىن ب ج ز ق- عا ءوتىنىم بەرىلەدى. قورعا ءتيىستى قۇجاتتاردى جەكە تۇردە نەمەسە پوشتا ارقىلى جىبەرۋگە بولادى. قاجەتتى قۇجاتتار ب ج ز ق- عا تۇسكەن سوڭ، مۇراگەرلەرگە تولەمدەر 10 جۇمىس كۇنى ىشىندە اۋدارىلادى.