بۇل تۋرالى Kazinform اگەنتتىگىنىڭ رەسمي ساۋالىنا قارجى نارىعىن رەتتەۋ جانە دامىتۋ اگەنتتىگىنىڭ رەسمي جاۋابىندا ايتىلعان.
- قارىز الۋشى قايتىس بولعان جاعدايدا ساقتاندىرۋ كومپانياسى كرەديت بويىنشا تولەم جاساۋى ءۇشىن شارتتا ادامنىڭ قايتىس بولۋى ساقتاندىرۋ جاعدايى رەتىندە كورسەتىلۋى كەرەك. وسىلايشا، ساقتاندىرۋ ۇيىمى شارتتا بەلگىلەنگەن تالاپتار مەن تارتىپكە سايكەس ساقتاندىرۋ تولەمىن جۇزەگە اسىرادى، - دەلىنگەن حابارلامادا.
ەگەر ساقتاندىرۋ شارتى بويىنشا تولەم بانككە بەرىلەتىن بولسا، بۇل قاراجات كرەديت قارىزىن وتەۋگە جۇمسالادى.
- ەگەر ساقتاندىرۋ تولەمى كرەديتتى تولىق جابۋعا جەتپەسە، قارىزدىڭ ءبىر بولىگى وتەلمەي قالۋى مۇمكىن. ءبىراق بۇل قالعان بەرەشەكتى مۇراگەرلەر مىندەتتى تۇردە تولىق تولەۋى كەرەك دەگەندى بىلدىرمەيدى. سونداي-اق، ساقتاندىرۋ كومپانياسى تولەمدى ساقتاندىرۋ شارتىندا جازىلعان تالاپتارعا سايكەس جۇرگىزەدى. سونداي-اق زاڭدا ساقتاندىرۋ كومپانياسى تولەم جاساماۋعا قۇقىلى بولاتىن جاعدايلار دا قاراستىرىلعان، - دەپ تولىقتىردى ولجاس رامازانوۆ.