قايتارىلاتىن اكتيۆتەر ۇلتتىق قورعا اۋدارىلا ما
ءماجىلىستىڭ جالپى وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرگەن قارجى ءمينيسترى ەرۇلان جاماۋبايەۆ قايتارىلاتىن اكتيۆتەردى ۇلتتىق قورعا اۋدارۋ باستاماسىنا پىكىر ءبىلدىردى، دەپ حابارلايدى قازاقپارات ءتىلشىسى.
«ۇلتتىق قوردىڭ ەكى فۋنكتسياسى بار: جيناقتاۋ جانە تۇراقتاندىرۋ. ۇلتتىق قوردان ماڭىزدى الەۋمەتتىك ەكونوميكالىق جوبالاردى ىسكە اسىرۋ ءۇشىن دە قاراجات بولىنەدى. ال اكتيۆتەردى قايتارۋ جونىندەگى زاڭ شەڭبەرىندە بۇل قاراجات كوميسسيانىڭ شەشىمى ارقىلى اشىق ءارى ءادىل تۇردە الەۋمەتتىك-ەكونوميكالىق ماسەلەلەردى شەشۋگە باعىتتالادى. ونى جوعارى اۋديتورلىق پالاتا دا تەكسەرە الادى. مەن بۇدان ەشقانداي پروبلەما كورىپ تۇرعان جوقپىن. اقشانىڭ ەلگە ورالۋى جانە ولاردىڭ ەكونوميكا ءۇشىن جۇمىس ىستەۋى ماڭىزدى»، - دەدى ەرۇلان جاماۋبايەۆ ب ا ق وكىلدەرىنىڭ ساۋالىنا جاۋاپ بەرە وتىرىپ.
ەسكە سالايىق، تاياۋدا قايتارىلعان اكتيۆتەردى باسقاراتىن كومپانيا قۇرۋ تۋرالى ۇكىمەت قاۋلىسى شىقتى.
سونىمەن قاتار تاياۋدا قايتارىلعان اكتيۆتەردى باسقارۋ كومپانياسىنا قانداي مامانداردىڭ تارتىلاتىنىن جازىپ ەدىك.