قاۋىپسىزدىكتى ساقتاماعاننان ءورت شىقسا، ءۇي يەسى جازالانا ما - مينيسترلىك جاۋابى

استانا. KAZINFORM - تۇرعىن ءۇي يەسىنىڭ ءورت قاۋىپسىزدىگىن ساقتاماۋ سالدارىنان ءتىلسىز جاۋ بەلەڭ السا قانداي جاۋاپكەرشىلىك قاراستىرىلعان؟ بۇل ساۋالعا توتەنشە جاعدايلار مينيسترلىگىنىڭ وكىلى جاۋاپ بەردى.

- ءورت قاۋىپسىزدىگىنە قاتىستى رەيدتىك ءىس-شارالار جاز ايلارىندا باستالادى. رەيد كەزىندە تۇرعىن ۇيلەردى ارالاپ، پەش جاعۋعا قاتىستى قاۋىپسىزدىك ەرەجەلەرى بويىنشا نۇسقاما بەرىلەدى. ايتا كەتەتىن جايت، رەيد كەزىندە تۇرعىن ءۇيدىڭ يەسىنە ايىپپۇل نەمەسە باسقا دا جازا قولدانىلمايدى، تەك قانا ەسكەرتۋ ايتىلادى. ءبىراق تۇرعىنداردىڭ ءورت قاۋىپسىزدىگىن ساقتاماۋى سالدارىنان ءورت شىققان جاعدايدا، اكىمشىلىك قۇقىق بۇزۋشىلىق دەپ تانىلىپ، حاتتاما تولتىرىلۋى مۇمكىن، - دەدى ت ج م ورتكە قارسى قىزمەت كوميتەتىنىڭ باس مامانى ەلدوس زيادا ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ايتا كەتەيىك، جىل باسىنان بەرى ەلىمىزدە 1 مىڭنان استام ءورت شىعۋ فاكتىسى تىركەلىپ، 52 ادام اجال قۇشتى.

بىرەر كۇن بۇرىن تالعاردا دوڭگەلەك زاۋىتىنان شىققان ءورت شىققان ەدى. وقيعا ورنىنا توتەنشە جاعدايلار ءمينيسترى شىڭعىس ءارىنوۆ باردى.

اۆتور

داۋلەت ىزتىلەۋ