قاۋىپسىزدىك كەڭەسى ا ق ش- تىڭ ۋكرايناعا قاتىستى ۇسىنعان قارارىن قابىلدادى
استانا. KAZINFORM - ۋكرايناعا قاتىستى قارار جوباسىندا «رەسەي فەدەراتسياسى مەن ۋكراينا اراسىنداعى قاقتىعىس كەزىندە ادامداردىڭ قايعىلى قازاسىنا» وكىنىش ءبىلدىرىلىپ، «جانجالدى تەز ارادا توقتاتۋعا» ۇندەۋ جاسالدى، دەپ حابارلايدى «ب ۇ ۇ جاڭالىقتارى».
«ۋكراينا مەن رەسەي فەدەراتسياسى اراسىندا ۇزاق بەيبىتشىلىك ورناتۋدى» «تاباندىلىقپەن شاقىراتىن» قاراردى ون ەل قولدادى، قارسى شىققان ەل بولعان جوق، جانە بەس ەل داۋىس بەرگەندە قالىس قالعان. بۇل قاقتىعىس باستالعاننان بەرى قاۋىپسىزدىك كەڭەسىنىڭ ۋكرايناعا قاتىستى قابىلداعان العاشقى قارارى بولدى.
قاۋىپسىزدىك كەڭەسىنە مۇشە مەملەكەتتەر ۇسىنعان تۇزەتۋلەردىڭ ەشقايسىسى - ۇشەۋى ەۋروپالىق ەلدەر جانە ەكەۋى رەسەيدەن - قابىلدانعان جوق. كەيبىرەۋلەرى داۋىستىڭ جەتىسپەۋشىلىگىنەن بولسا، بىرەۋى تۇراقتى مۇشەنىڭ ۆەتو قويۋىنا بايلانىستى بولدى.
بۇعان دەيىن دۇيسەنبى كۇنى ا ق ش ءدال وسىنداي قاراردى باس اسسامبلەيادا داۋىسقا سالدى. الايدا ول ەۋروپا ەلدەرى ۇسىنعان تۇزەتۋلەرمەن قابىلداندى.
بۇعان دەيىن ا ق ش پرەزيدەنتى ترامپ ا ق ش پەن رەسەي اراسىندا ۋكرايناعا قاتىستى كەلىسسوزدەردىڭ ەكىنشى راۋندى تۋرالى ايتتى.
ول كەلىسسوزدەردىڭ 25-اقپان كۇنى ساۋد ارابياسىنىڭ استاناسى ەر-رياد قالاسىندا، سول قالادا ءبىر اپتا بۇرىن بولعان ءبىرىنشى راۋندتان كەيىن وتەتىنىن حابارلادى.