قاۋىپسىزدىك بەلدىكتەرىنەن اقاۋ شىققان: Ford 112 مىڭنان استام كولىكتى كەرى قايتاردى

استانا. KAZINFORM - امەريكالىق Ford اۆتوموبيل كومپانياسى قاۋىپسىزدىك بەلدىكتەرىنەن اقاۋ شىعۋىنا بايلانىستى 112600 كولىكتى كەرى قايتارىپ جاتىر. بۇل تۋرالى Reuters ا ق ش ۇلتتىق جول قوزعالىسى قاۋىپسىزدىگى باسقارماسىنا (NHTSA) سىلتەمە جاساپ حابارلادى.

NHTSA- عا قاۋىپسىزدىك بەلدىگىن بەكىتۋ قۇرىلعىسىنىڭ ابايسىزدا وزدىگىنەن جۇمىس ىستەپ كەتۋى تۋرالى شاعىمدار كەلىپ تۇسكەن. قاتتى دىبىس شىعارعاننان كەيىن بەلدىك تەز تارتىلىپ قالا بەرگەن.

كەرى قايتارىلعان كولىكتەر اراسىندا 2019-2020 -جىلدارى شىعارىلعان Ford Expedition جانە Lincoln Navigator ۇلگىلەرى بار.

NHTSA مالىمەتتەرى بويىنشا، تارتۋ كۇشىنىڭ جوعالۋى مەن ەلەكتر جۇيەسىنىڭ ىستەن شىعۋىنا بايلانىستى 456000 نان استام Ford كولىكتەرىنە قاتىستى تەرگەۋ باستالعان. تەرگەۋ بارىسىندا 2021-2024 -جىلدارى شىعارىلعان Ford Bronco Sport كروسسوۆەرلەرى مەن Maverick پيكاپتارى زەرتتەلەدى.

ەسكە سالا كەتەيىك، بۇعان دەيىن شەتەلدەن اكەلىنگەن جۇك كولىكتەرى تەكسەرىلەتىنىن حابارلاعان ەدىك.