قايسار سۇلتانبايەۆ كولىك تەرەزەسىن قاراڭعىلاۋدىڭ جاڭا تالاپتارىن اتادى

استانا. KAZINFORM - ءى ءى م اكىمشىلىك پوليتسيا كوميتەتىنىڭ ءتوراعاسى قايسار سۇلتانبايەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا كولىك تەرەزەسىن قاراڭعىلاۋعا قويىلعان شەكتەۋلەر قالاي وزگەرگەنىن ءتۇسىندىردى.

«ءبىز، جول ەرەجەلەرىندە پلەنكالاردى قولدانۋعا تىيىم سالۋ نورماسىن الىپ تاستادىق. ويتكەنى كەدەن وداعىنىڭ تەحنيكالىق رەگلامەنتىندە مىندەتتى تالاپتار رەتتەلگەن»، - دەدى ول.

قايسار سۇلتانبايەۆ كولىك تەرەزەسىن قاراڭعىلاعان جاعدايدا كورۋ ايماعىن قامتاماسىز ەتۋگە قويىلاتىن تالاپتاردى اتادى. ولار:

- كولىك زاۋىتتان شىققان كەزدە قوس قاپتالىنداعى تەرەزەلەرى قاراڭعىلانعان بولسا؛

- جۇرگىزۋشىنىڭ جولداعى جاعدايدى تولىقتاي كورۋىن شەكتەيتىن قوسىمشا زاتتاردىڭ نەمەسە جابىنداردىڭ بولماۋى كەرەك؛

- تەرەزە اينەكتەرىنىڭ جارىق وتكىزگىشتىگى كەمىندە p بولۋعا ءتيىس؛

- اينەكتەر اق، سارى، قىزىل، جاسىل، كوگىلدىر تۇسپەن بويالماۋى كەرەك.