قايسار سۇلتانبايەۆ جولدار قاۋىپسىز بولۋ ءۇشىن نە ىستەۋ كەرەك ەكەنىن ايتتى

استانا. KAZINFORM - ءى ءى م اكىمشىلىك پوليتسيا كوميتەتىنىڭ ءتوراعاسى قايسار سۇلتانبايەۆ قاۋىپسىز جولدار تاپشى وڭىرلەردى اتادى.

ونىڭ ايتۋىنشا، جولدار قاۋىپسىز بولسىن دەسەك، 6 مىڭ شاقىرىم كوپ جولاقتى جول سالۋ كەرەك. 

«اتىراۋ وبلىسىندا ءبىرىنشى ساناتتاعى جولدار جوق. باتىس قازاقستان وبلىسىندا وسى ساناتتاعى قاۋىپسىز جولداردىڭ ۇزىندىعى - نەبارى 3 شاقىرىم عانا. ال اقتوبە وبلىسىندا - 19 شاقىرىم. بۇگىنگى تاڭدا 4 جانە ودان دا كوپ جولاقتارى بار 6 مىڭ شاقىرىمنان استام جول سالۋ قاجەت. ارينە، زاماناۋي جولداردى قىسقا مەرزىمدە سالۋ مۇمكىن ەمەس»، - دەيدى كوميتەت باسشىسى.

ءى ءى م جول ۇيىمدارىمەن بىرگە قولدانىستاعى جولدارعا 25 مىڭ تەكسەرۋ جۇرگىزىپ، 45 مىڭنان استام كەمشىلىكتى انىقتاعان.

«سونىڭ قورىتىندىسى بويىنشا 3,5 مىڭعا جۋىق لاۋازىمدى تۇلعا اكىمشىلىك جاۋاپكەرشىلىككە تارتىلدى. تەكسەرۋدە قامتىلعان رەسپۋبليكالىق ماڭىزى بار جولداردا 200 شاقىرىمنان استام تاڭبا سىزىپ، 2,5 مىڭعا جۋىق جول بەلگىلەرىن ورناتۋ قاجەت»، - دەدى قايسار سۇلتانبايەۆ.

اۆتور
ەسىمجان ناقتىباي