«قايرات» - «رەال مادريد»: الماتىدا بىرنەشە كوشە ۋاقىتشا جابىلادى
الماتى. KAZINFORM - بۇگىن ساعات 21:45-تە ۋەفا چەمپيوندار ليگاسىنىڭ توپتىق كەزەڭى اياسىندا ورتالىق ستاديوندا «قايرات» پەن «رەال مادريد» اراسىنداعى ويىن وتەدى.
الماتى پوليتسياسى جول قاۋىپسىزدىگىنە ەرەكشە نازار اۋدارىلعانىن حابارلادى. دەپارتامەنت مالىمەتىنشە، ورتالىق ستاديون ماڭىندا كولىك قوزعالىسىنا ۋاقىتشا شەكتەۋلەر ەنگىزىلۋى مۇمكىن.
- قالالىق پوليتسيا دەپارتامەنتى تۇرعىندار مەن قالا قوناقتارىن الدىن الا قوزعالىس شەكتەۋ سىزباسىمەن تانىسۋعا، ءوز باعىتىن تۇزەتۋگە جانە قوزعالىستاعى وزگەرىستەردى ەسكەرۋگە شاقىرادى. ازاماتتاردى تۇسىنىستىك تانىتقانى جانە قولداۋ كورسەتكەنى ءۇشىن العىس ايتامىز. بۇل شارالار ۋاقىتشا سيپاتقا يە جانە قوعامدىق قاۋىپسىزدىكتى قامتاماسىز ەتۋ مەن ءىس-شارانىڭ جايلى وتۋىنە باعىتتالعان، - دەپ حابارلادى پوليتسيادان.
ەسكە سالايىق، بۇعان دەيىن «قايرات» پەن «رەال مادريد» ماتچىنان كەيىن ستاديوننان تەگىن اۆتوبۋستار جۇرەتىنىن جازعانبىز.