قايرات بورانبايەۆ بيۋجەتكە تاعى قاراجات اۋدارادى - اگەنتتىك

استانا. KAZINFORM – ق ر قارجىلىق مونيتورينگ اگەنتتىگى ءتوراعاسىنىڭ ورىنباسارى جەڭىس ەلەمەسوۆ ءىستى بولعان قايرات بورانبايەۆتان اكتيۆتەردى قايتارۋعا قاتىستى تۇسىنىك بەردى.

«ول بۇعان دەيىن سوت ۇكىمى بويىنشا سوتتالىپ، شىعىن وتەلگەن. بۇدان بولەك، ول بيۋجەتكە قوسىمشا 120 ميلليارد تەڭگەنى وتكىزدى. قازىرگى كەزدە ول تاعى دا بيۋجەتكە قاراجات اۋدارۋدى قاراستىرىپ وتىر. ويتكەنى باسقا دا قىلمىستىق ىستەر بار. ياعني، جەكە تۇلعانىڭ سالىق تولەۋدەن جالتارۋ، قاراجات جىمقىرۋ ارەكەتتەرى تەكسەرىلدى. وسى ىستەر اياسىندا قازىر اكتيۆتەردى قايتارۋ جۇمىسى اتقارىلىپ جاتىر»، - دەدى ج. ەلەمەسوۆ پارلامەنت ماجىلىسىندە تىلشىلەر سۇراعىنا جاۋاپ بەرە وتىرىپ.

بۇعان دەيىن Kazinform كاسىپكەر قايرات بورانبايەۆتىڭ مەملەكەت مەنشىگىنە قايتارعان اكتيۆتەرىنە شولۋ جاساعان ەدى.