قاۋىن كۇيزەلىس پەن شارشاۋدى باسادى

فرانسۋز عالىمدارى مەيلىنشە كوپ قاۋىن جەۋگە كەڭەس بەرەدى. سەبەبى بۇل شىرىندى جەمىس - كۇيزەلىسپەن كۇرەسەتىن پايدالى زاتقا وتە باي، دەپ حابارلادى turkystan.kz سايتى BBC باسىلىمىنا سىلتەمە جاساپ.

قاۋىننىڭ نەگىزگى پايدالى قۇرامى - سۋپەروكسيدديسمۋتازا (SOD) دەپ اتالاتىن فەرمەنت. ونىڭ اعزاداعى تىندەردىڭ زاقىمدانۋىنا جول بەرمەيتىن انتيوكسيدانتتىق قاسيەتى بار. زەرتتەۋ بارىسىندا بۇل فەرمەنتتىڭ تەك كۇيزەلىستى ازايتىپ قويماي، شارشاۋدى دا جەڭىلدەتەتىنى انىقتالدى.

زەرتتەۋ ەكى توپقا بولىنگەن 35 ەرىكتى ادامنىڭ قاتىسۋىمەن جۇرگىزىلدى. ءبىرىنشى توپقا قۇرامىندا فەرمەنت جوق كاپسۋلا بەرىلىپ، وعان SOD بار دەپ ايتىلدى. ال ەكىنشى توپقا ناعىز SOD بار كاپسۋلا بەرىلدى. ءبىرىنشى توپتاعى ادامدار وزدەرىن جاقسى سەزىنگەنىن ايتتى. ال ەكىنشى توپتاعى ەرىكتىلەردىڭ جاعدايى ۇزاق ۋاقىتقا جاقسارعانى ناقتى تىركەلدى.

باقىلاۋ ناتيجەسىندە قاۋىنداعى فەرمەنت ادامنىڭ زەيىنىن ارتتىرىپ، شارشاۋ مەن اشۋشاڭدىقتى ازايتاتىنى، سونداي-اق ۇيقى ماسەلەسىن جەڭىلدەتەتىنى دالەلدەندى. عالىمداردىڭ ايتۋىنشا، بۇل فەرمەنت وكسيداتيۆتى سترەسس تۋعىزاتىن جاسۋشالاردى ەركىن راديكالداردىڭ اسەرىنەن زاقىمتايتىن ۇدەرىسپەن كۇرەسۋگە كومەكتەسەدى.

قاۋىندار - سۋپەروكسيدديسمۋتازاعا باي جەمىستەردىڭ ءبىرى. دەگەنمەن انتيوكسيدانتتىق اسەر تۋدىراتىن وزگە دە جەمىستەر مەن كوكونىستەر بار. سول سەبەپتى زەرتتەۋشىلەر كۇندەلىكتى راتسيونعا وسىمدىك تەكتەس ونىمدەردى قوسىپ وتىرۋدىڭ ماڭىزىن ەسكە سالادى.