«ەمەلدىڭ كۇندەلىگى» جوباسى اياسىندا جاس تازقارانىڭ قوزعالىسى سپۋتنيكتىك مونيتورينگ ارقىلى باقىلانىپ كەلەدى.
مامانداردىڭ مالىمەتىنشە، قاناتى قاتايعان سايىن ەمەل جاڭا اۋماقتاردى يگەرىپ، بۇرىن بولماعان جەرلەرگە ۇشىپ بارادى. قازىر ونىڭ قازاقستاننان قىرعىزستانعا جەتكەنى تىركەلدى.
- عالىمداردىڭ بولجامىنشا، جاس تازقارا ورتالىق ازيا ارقىلى وڭتۇستىككە قاراي ساپارىن جالعاستىرىپ، ءتىپتى ءۇندىستانعا دەيىن جەتۋى مۇمكىن، - دەلىنگەن جوبا تۋرالى اقپاراتتا.
سپۋتنيكتىك باقىلاۋ قۇستىڭ ناقتى قوزعالىس باعىتىن انىقتاۋعا، قونىس اۋدارۋ ەرەكشەلىكتەرىن زەرتتەۋگە جانە ونىڭ جاڭا اۋماقتارعا بەيىمدەلۋىن باقىلاۋعا مۇمكىندىك بەرەدى.
ماماندار ەمەلدىڭ الداعى قوزعالىسىن قاداعالاۋدى جالعاستىرادى.
ايتا كەتەيىك، بۇعان دەيىن ىلە-الاتاۋى مەملەكەتتىك ۇلتتىق تابيعي پاركىندە قار بارىسىنىڭ تىرشىلىگى سپۋتنيكتىك قۇرىلعى ارقىلى زەرتتەلىپ جاتقانى حابارلانعان ەدى. ماماندار سپۋتنيكتىك تەلەمەتريا كومەگىمەن جىرتقىشتىڭ قوزعالىسى مەن تابيعي ورتاداعى مىنەز- قۇلقىن باقىلاپ وتىر.