قاي جاعدايدا «سەرگەك» كامەراسىنا تۇسكەن ايىپپۇلدى تولەمەۋگە بولادى؟

استانا. قازاقپارات - «سەرگەك» بەينەباقىلاۋ جۇيەسىندە تىركەلگەن كەيبىر اكىمشىلىك قۇقىق بۇزۋشىلىقتاردىڭ كۇشىن جويۋعا بولادى.

پوليتسيا قىزمەتكەرلەرىنىڭ ايتۋىنشا، اۋا رايىنىڭ قولايسىزدىعىنا بايلانىستى جول بەلگىلەرى كورىنبەگەن جاعدايدا جۇرگىزۋشىلەر شاعىمدانۋعا قۇقىلى.

استانادا تاڭ اتقالى تولاسسىز قار جاۋدى. ارنايى تەحنيكالار كوشەلەردى تازالاپ ءوتتى. دەگەنمەن اۆتوبۋس جولاعىنداعى ارنايى بەلگىلەر ءالى انىق كورىنبەيدى. مۇنداي جاعدايدا ءدال وسى جولاققا تۇسكەن جەڭىل كولىك جۇرگىزۋشىلەرىنە «سەرگەك» ايىپپۇل سالۋعا قۇقىلى ەمەس. مىسالى، مىنا كولىكتەر قوعامدىق كولىكتىڭ جولىمەن كەتىپ بارا جاتىر. «سەرگەك» ولاردى فيكساسيا جاسايدى. ءبىراق جول بەلگىسىنىڭ كورىنبەۋىنە بايلانىستى وسى قۇقىق بۇزۋشىلىقتىڭ كۇشى جويىلادى.

سايات وسيپوۆ، جۇرگىزۋشى:

- اۋا رايى قولايسىز كەزدە ارينە بەلگىلەردى بايقاماي جاتامىز. سونداي كۇندەرى اۆتوبۋس جولاعىمەن تالاي ءجۇرىپ وتكەنمىن. الايدا «سەرگەكتەن» وعان قاتىستى ايىپپۇل كەلگەن ەمەس. بۇل دۇرىس دەپ ويلايمىن.

«سەرگەك» تاسپاسىنا تۇسكەن كەيبىر دەرەكتەر مىنا جاعدايلاردا اكىمشىلىك قۇقىقبۇزۋشىلىق رەتىندە قاراستىرىلمايدى. بىرىنشىدەن، جول جوندەۋ جانە سالۋ جۇمىستارىنا بايلانىستى كولىك قوزعالىسى وزگەرتىلگەن كەزدە. ەكىنشىدەن، جۇكتەمەگە سايكەس، قوعامدىق كولىكتەردىڭ جولاعىمەن قاتىناۋعا ۋاقىتشا رۇقسات بەرىلگەن كۇندەرى.

ۇشىنشىدەن، كولىك اپاتىنا بايلانىستى نەمەسە جەدەل جاردەمگە جول بەرۋ ءۇشىن اۆتوبۋس جولىمەن اينالىپ وتكەن جاعدايدا. سونىمەن قاتار جولدىڭ ۇستىندەگى بەلگىلەردى قار باسىپ قالسا جانە تۇمانعا بايلانىستى كورۋ قاشىقتىعى تىم قىسقا بولسا، «سەرگەك» تۇسىنىستىك تانىتادى.

ەلدار نۇرماعامبەتوۆ، قالالىق پ د اكىمشىلىك پوليتسيا باسقارماسىنىڭ اعا ينسپەكتورى:

- مىسالى، جازدىڭ كۇنى ءبىر كوشەدە اسفالت سالىنسا، كولىك ترافيگى باسقا كوشەگە تۇسەدى. سونداي جاعدايدا فيكساتسيا وشىرىلەدى. سكوراياعا جول بەرگەن جاعدايدا فيكساسيا بولسا، سول كەزدە جۇرگىزۋشى بىزگە جۇگىنەدى. ونى تەكسەرگەن كەزدە، ۆيدەونى قاراپ، سول كەزدە كۇشى جويىلادى.

ەلوردا كوشەلەرىندە 13 مىڭداي «سەرگەك» كامەرالارى ورناتىلعان. ونىڭ تەڭ جارتىسى اۆتوماتتى رەجيمدە جۇمىس ىستەيدى. بىلتىر بۇل بەينەباقىلاۋ قۇرىلعىلارى ارقىلى ءبىر ميلليوننان استام اكىمشىلىك قۇقىق بۇزۋشىلىق تىركەلگەن.

باۋىرجان توقجۇمانوۆ، قالالىق پ د اكىمشىلىك پوليتسيا باسقارماسىنىڭ ءبولىم باستىعى:

- ول جالپى سوماسى 11 ميلليارد استام تەڭگەنى قۇرايدى. كوبىنەسە «سەرگەك» كامەرالارىمەن انىقتالاتىن قۇقىق بۇزۋشىلىقتار: جول بەلگىلەرى مەن تاڭبالارىنىڭ تالاپتارىن ورىنداماۋى بويىنشا جانە باعدارشامنىڭ تىيىم سالىنعان بەلگىسىنەن وتكەن جۇرگىزۋشىلەر.

«سەرگەك» ايىپپۇلىنا قاتىستى شاعىمدى مامانداندىرىلعان حالىققا قىزمەت كورسەتۋ ورتالىعىنا بارىپ بەرۋگە بولادى. نەمەسە قامقور. ك ز سايتى مەن ە- ءوتىنىش قوسىمشاسى ارقىلى جولداۋعا بولادى. مۇندا كورسەتىلگەن باعانالاردى تولتىرساڭىز، جەتكىلىكتى.

24.kz