قاتتى ايازعا بايلانىستى اقمولا وبلىسىندا پوليتسيا كۇشەيتىلگەن رەجيمگە اۋىستى

  جازاتايىم وقيعالاردىڭ الدىن الۋ ماقساتىندا پد باسشىلىعى 400 دەن استام پوليتسەيدى كۇشەيتىلگەن پاترۋلدەۋگە باعىتتادى، دەپ حابارلايدى Kazinform Polisia.kz كە سىلتەمە جاساپ.

7-جەلتوقسان ساعات 18.00 شاماسىندا تەمپەراتۋرانىڭ -38 گرادۋسقا دەيىن تومەندەۋىنە بايلانىستى رەسپۋبليكالىق ماڭىزى بار اۆتوجولداردىڭ بارلىق باعىتىندا ديزەل جانارمايىمەن جۇمىس ىستەيتىن ىشتەن جانۋ قوزعالتقىشى بار كولىك قۇرالدارى ءۇشىن قوزعالىستى شەكتەۋ ەنگىزىلەدى.

ينسپەكتورلار اۆتوكولىك جۇرگىزۋشىلەرىنە كومەك كورسەتۋگە باعىتتالدى. باسشىلىق بالالار توپتارىن تاسىمالدايتىن كومپانيالارعا مۇنداي اۋا-رايىندا قوزعالۋ قاۋىپتى ەكەنىن ەسكەرتۋدى تاپسىردى.