استانا. KAZINFORM - العاشقى قاتەرلى ىسىككە قارسى وتاندىق ءدارى 2027-جىلدىڭ ورتاسىندا قازاقستان نارىعىنا شىعارىلماق. بۇل تۋرالى عىلىم جانە جوعارى ءبىلىم ءمينيسترى ساياسات نۇربەك ءمالىم ەتتى.
ونىڭ ايتۋىنشا، ءدارىنى ازىرلەۋ پروتسەسىنىڭ كەشىگۋى كلينيكالىق سىناقتاردى جۇرگىزۋگە قويىلاتىن قاتاڭ تالاپتارعا بايلانىستى.
قازىرگى كەزدە سىناقتاردىڭ ءبىرىنشى كەزەڭى ءساتتى اياقتالدى. عالىمدار سىناقتىڭ ەكىنشى كەزەڭىنە كىرىسىپ جاتىر.
- كەلەسى جىلدىڭ ورتاسىنا قاراي ازىرلەۋ جۇمىستارىن اياقتاپ، ءدارىنى نارىققا بىرتىندەپ شىعارا باستاۋدى جوسپارلاپ وتىرمىز، - دەدى ساياسات نۇربەك.
ەسكە سالساق، بيىل تامىز ايىندا مينيستر قاتەرلى ىسىككە قارسى وتاندىق ءدارىنىڭ دوزيروۆكاسى ايقىندالىپ جاتقانىن ايتقان ەدى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.