قاڭتار وقيعاسى كەزىندە ۇرلانعان قارۋ-جاراق تابىلدى
17:28, 27 - ناۋرىز 2025
استانا. KAZINFORM - ۇلتتىق قاۋىپسىزدىك كوميتەتى زاڭسىز قارۋدى تاركىلەپ جاتىر.
بيىل جىل باسىنان بەرى ۇ ق ك پوليتسيا جانە پروكۋراتۋرا ورگاندارىمەن بىرلەسىپ، 12 اۆتومات، 41 تاپانشا، 75 مىلتىق، 36 گراناتا جانە ءارتۇرلى كاليبردەگى 1603 وق-ءدارى تاركىلەگەن.
ۇ ق ك مالىمەتىنشە، بۇل قارۋدىڭ ەداۋىر بولىگى قاڭتار وقيعاسى كەزىندە ۇرلانعان.
سونىمەن قاتار، قازاقستان اۋماعىنا قارۋدى زاڭسىز اكەلۋ دەرەكتەرى تىركەلىپ وتىر.
«ۇ ق ك كورشى ەلدەن كەلەتىن قارۋ كونترابانداسى ارناسىنىڭ جولىن كەسىپ، ەل اۋماعىندا ون قارۋدى ساتۋعا نيەتتەنگەن شەتەلدىك ازاماتتى ۇستادى»، - دەپ جازىلعان حابارلامادا.
كۇدىكتى قارۋ-جاراقتى كولىكتىڭ قاپتاماسىنا جاسىرىپ، ق ر ازاماتتارى اراسىنداعى سىبايلاستارىنىڭ كومەگىمەن جەتكىزگەن.