قاڭتار وقيعاسى بويىنشا جەتكىزىلگەن ازاماتتى ازاپتاعان پوليتسيا قىزمەتكەرى سوتتالدى

استانا. KAZINFORM - الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى كىنانى مويىنداۋ تۋرالى پروتسەستىك كەلىسىمىنىڭ نەگىزىندە قاڭتار وقيعالارى كەزىندە جەتكىزىلگەن ادامعا ازاپتاۋدى قولدانعانى ءۇشىن (ق ك-نىڭ 146-بابى) ايىپتاۋ ۇكىمىن شىعاردى.

قىلمىستىق ءىستى الماتى قالاسىنىڭ ارنايى پروكۋرورلارى تەرگەپ-تەكسەردى.

پروكۋرورلار 2022 -جىلعى 8-قاڭتاردا المالى اۋدانىنىڭ پوليتسيا باسقارماسىندا كىنالى پوليتسيا قىزمەتكەرىنىڭ جەتكىزىلگەن ازاماتقا قاتىستى ازاپتاۋلاردى قولدانعانىن دالەلدەدى.

«پوليتسيا قىزمەتكەرىنىڭ قۇقىققا قارسى ارەكەتتەرىنىڭ ناتيجەسىندە جابىرلەنۋشىگە دەنە ازابىن كەلتىرىلگەن.

كىنانى مويىنداۋ تۋرالى پروتسەستىك كەلىسىمىن ەسكەرە وتىرىپ، سوت ۇكىمىمەن سوتتالۋشىعا ارنايى اتاعىنان جانە مەملەكەتتىك قىزمەتتە جۇمىس ىستەۋ قۇقىعىنان ايىرا وتىرىپ، 2 جىل 6 اي مەرزىمگە باس بوستاندىعىن شەكتەۋ تۇرىندەگى جازا تاعايىندالدى»، - دەپ جازدى باس پروكۋراتۋرادان.

ۇكىم زاڭدى كۇشىنە ەندى.