- قۇرمەتتى جۇرگىزۋشىلەر! قازىر تاسجولدارداعى جىلدامدىققا قاتىستى ايىپپۇلدار بويىنشا ءبىراز ماسەلە تۋىنداعانىن كورىپ وتىرمىز. سوندىقتان نە بولعانىن قىسقاشا تۇسىندىرگىمىز كەلەدى. 13-14-تامىز ارالىعىندا باس پروكۋراتۋرانىڭ «ەراپ» اقپاراتتىق جۇيەسىندە نۇسقامالاردى اۆتوماتتى تۇردە قالىپتاستىرۋ كەزىندە تەحنيكالىق اقاۋ بولدى. سونىڭ سالدارىنان ورتاشا جىلدامدىقتى اسىرۋ بويىنشا كەيبىر بۇزۋشىلىقتار ءبىر-ساتتىك جىلدامدىقتى اسىرۋ رەتىندە قاتە راسىمدەلگەن. قازىر ارىپتەستەرىمىزبەن بىرلەسىپ، تەحنيكالىق اقاۋدىڭ سالدارىن جويۋ بويىنشا جۇمىس جۇرگىزىپ جاتىرمىز. جۇرگىزۋشىلەرگە ايتارىمىز: ەشقايدا بارۋدىڭ، پوليتسياعا جۇگىنۋدىڭ نەمەسە دالەلدەۋدىڭ قاجەتى جوق. قاتە قالىپتاستىرىلعان بارلىق نۇسقاما انىقتالدى جانە ولار اۆتوماتتى تۇردە جويىلادى، - دەلىنگەن حابارلامادا.
سونىمەن قاتار وندا اڭگىمەنىڭ تەك تاسجولداردا قاتە راسىمدەلگەن ايىپپۇلدار تۋرالى بولىپ وتىرعانى ايتىلعان. ال مۇنداي ايىپپۇلداردى تولەپ قويعان جۇرگىزۋشىلەرگە قاراجاتتى قايتارۋ ماسەلەسى قازىر پىسىقتالىپ جاتىر.
- جاعداي باقىلاۋدا، - دەدى ءى ءى م اكىمشىلىك پوليتسيا كوميتەتىنىڭ ءتوراعاسى مۇرات قابدەنوۆ.
وسىعان دەيىن استانادا ماس كۇيىندە كولىك جۇرگىزەتىن جۇرگىزۋشىلەرگە باقىلاۋ كۇشەيگەنى تۋرالى جازدىق.