قاسىم-جومارت توقايەۆ ولاف شولتستى اقوردادا قارسى الدى
استانا. KAZINFORM - مەملەكەت باسشىسى قاسىم-جومارت توقايەۆ استاناعا رەسمي ساپارمەن كەلگەن گەرمانيانىڭ فەدەرالدىق كانتسلەرى ولاف شولتس اقوردادا قارسى الدى.
الدىمەن قاسىم-جومارت توقايەۆ پەن ولاف شولتس ءبىر-بىرىنە رەسمي دەلەگاتسيا مۇشەلەرىن تانىستىردى. وسىدان كەيىن مارتەبەلى مەيماننىڭ ساپارىنا وراي سالتاناتتى راسىمدەر زالىندا ساپ تۇزەگەن قۇرمەت قاراۋىلىنىڭ باستىعى مەملەكەت باسشىلارىنا سالەمدىك بايانات بەردى. پرەزيدەنت وركەسترى ەكى ەلدىڭ مەملەكەتتىك ءانۇرانىن ورىندادى.
ءانۇرانداردى تىڭداپ بولعاننان كەيىن قاسىم-جومارت توقايەۆ پەن ولاف شولتس كىلەمشە بويىمەن قازاقستان رەسپۋبليكاسىنىڭ مەملەكەتتىك تۋىنا قاراي ءجۇردى. ونىڭ الدىنا كەلگەندە مەيمان توقتاپ، باسىن ءسال ءيىپ، ءوزىنىڭ قۇرمەتىن ءبىلدىردى. سونان سوڭ مەيمان مەن پرەزيدەنت قۇرمەتتى قاراۋىل ساپىنىڭ بويىمەن ءجۇردى. قۇرمەتتى قاراۋىل باستىعىمەن قوشتاستى.
قازىرگى ۋاقىتتا مەملەكەت باسشىلارى جوعارى دەڭگەيدەگى كەلىسسوزدەر جۇرگىزىپ جاتىر. مۇنان بولەك، «ورتالىق ازيا + گەرمانيا» فورماتىنداعى ەكىنشى كەزدەسۋ دە جوسپارلانعان.